Messi “Barselona” bilan shartnomasini 2021-yil yozigacha uzaytirdi

“Barselona”ning argentinalik hujumchisi Lionel Messi klub bilan yangi shartnoma imzoladi. Bu haqda Kataloniya klubi rasmiy sayti xabar bermoqda .

Foto: “Barselona” FK

Futbolchining “Barselona” bilan yangi kelishuvi 2020/2021-yilgi mavsum oxiriga qadar amal qiladi. Shartnomada Messini sotib olish istagidagi klub “Barselona”ga 700 million yevro miqdorida tovon puli to‘lashi lozimligi yozib qo‘yilgan. Messining avvalgi shartnomasi 2018-yil yozida yakuniga yetardi.
30 yoshli hujumchi 2004-yildan beri jamoa asosiy tarkibida muntazam ravishda maydonga tushadi. 2004/2005-yilgi mavsumdan 2016/2017-yilgi mavsumga qadar u Ispaniya chempionatida 382 uchrashuvda maydonga tushib, 349 ta gol urgan. Argentina terma jamoasida esa 123 o‘yin o‘tkazib, 61 ta gol urgan.
U “Barselona”dagi faoliyati davomida 8 marta Ispaniya chempioni bo‘lgan, 5 marta Ispaniya Kubogi, 7 marta Ispaniya Superkubogini qo‘lga kiritgan. 4 marta Yevropa Chempionlar Ligasida, 3 marta Klublar o‘rtasidagi jahon chempionatida g‘olib chiqqan. Argentina terma jamoasi bilan Pekin—2008 Olimpiadasida chempion, JCh—2014 da esa vitse-chempion bo‘lgan.
Messi joriy mavsum La Ligada 12 uchrashuvda maydonga tushib, 12 ta gol urdi, to‘rtta golga hammualliflik qildi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Messi “Barselona” bilan shartnomasini 2021-yil yozigacha uzaytirdi appeared first on Daryo .
Batafsil | Подробно | Read more... Daryo