Nukusda O‘zbekistonning shimoliy hududlarida resurslarni tejovchi texnologiyalarni qo‘llashga bag‘ishlangan seminar bo‘lib o‘tdi

Nukusda “O‘zbekistonning shimoliy hududlarida iqlimga bardoshlikni ta’minlash maqsadida qishloq hamjamiyatlarida resurslarni tejovchi texnologiyalarni qo‘llash” mavzuida seminar bo‘lib o‘tdi. Tadbir Gidrometeorologiya xizmati markazi va O‘zbekistondagi BMT Taraqqiyot dasturining “O‘zbekistonning qurg‘oqchil hududlarida joylashgan fermer va dehqon xo‘jaliklarining iqlimiy barqarorligini ta’minlash” qo‘shma loyihasi doirasida tashkil etildi. Bu haqda “Daryo”ga seminar tashkilotchilari ma’lum qildi.

Foto: BMT

Faoliyatini 2014-yilda boshlagan loyiha mamlakatning qurg‘ochil hududlari, jumladan, Qoraqalpog‘iston Respublikasida moslashuv chora-tadbirlari va sa’y-harakatlarni ishlab chiqish, amalga oshirish va tarqatishga yo‘naltirilgan. Seminardagi ma’ruzalar va taqdimotlarda olib borilayotgan iqlimga moslashuv faoliyati natijalari taqdim etildi, gidrometeorologik va iqlim monitoringining modernizatsiyalashgan va avtomatlashtirilgan tizimi ishi samaradorligiga baho berildi.
Qurg‘oqchilik haqida oldindan ogohlantirish tizimi haqidagi axborot qatnashchilarda alohida qiziqish uyg‘otdi. Oldindan ogohlantirish tizimi salohiyatini kuchaytirish va uni suv oqimidan jadal sur’atlarda foydalanish mintaqasi bo‘lgan Amudaryoning etaklari sharoitiga moslashtirish suvning oz-ko‘pligini 3 oylik muddatgacha bo‘lgan barvaqt baholashni ta’minlash imkonini berdi.
Fermerlarni qishloq xo‘jaligini barqaror olib borishga o‘rgatish tajribasi Toshkent agrar universitetining Nukus filiali huzuridagi Fermerlarni tayyorlash markazi misolida taqdim etildi. Loyihani amalga oshirish doirasida markazga zarur bo‘lgan texnik vositalar, ma’lumotlar joy olgan materiallar va dehqonlarga tuproqni namlanish va tuzlanish darajasini aniqlash imkonini beradigan uskunalarning ikkita jamlanmasi berildi. Undan tashqari, loyiha ko‘magida iqlim o‘zgarishlariga moslashish choralari bo‘yicha maslahat xizmatlarini ko‘rsatadigan to‘rtta markaz tashkil etildi.
Seminar qatnashchilari, shuningdek, qishloq hamjamiyatlarini iqlim o‘zgarishiga barqarorligini oshirish imkonini beradigan agro va suv tejovchi texnologiyalarni joriy qilishga yondashuvlar bo‘yicha tavsiyalar bilan o‘rtoqlashdi. Bugungi kunda bunday texnologiyalar Kegayli va Chimboy tumanlaridagi 22 gektar namuna maydonida qo‘llanilmoqda, 500 nafar fermer esa ulardan foydalanishga o‘qitildi. Seminar mobaynida dalalarni lazer orqali tekislash texnologiyasini amalda qo‘llash bo‘yicha dala treningini natijalari ham taqdim etildi.
Loyiha doirasida Mo‘ynoq, Qanliko‘l, Taxtako‘pir, Kegeyli va Chimboy tumanlaridagi fermer xo‘jaliklarining 460 gektardan ko‘proq yerida sinovdan o‘tgan mazkur texnologiya asosidagi yerlarni tekislash va rejalashtirish bo‘yicha yettita uskuna to‘plami xarid qilindi va taqdim etildi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Nukusda O‘zbekistonning shimoliy hududlarida resurslarni tejovchi texnologiyalarni qo‘llashga bag‘ishlangan seminar bo‘lib o‘tdi appeared first on Daryo .
Batafsil | Подробно | Read more... Daryo