Toshkentda mintaqadagi birinchi Politexnika muzeyi ochildi

Toshkentda O‘zbekistondagi va mintaqadagi birinchi Politexnika muzeyi ochildi, u transport rivojlanishi tarixi, fan va texnika, buyuk olimlar ixtirolariga bag‘ishlangan. Bu haqda “Gazeta.uz” xabar bermoqda .

Foto: “Gazeta.uz”

“O‘zavtosanoat” kompaniyasining yangi binosida joylashgan muzey ekspozitsiyasi uchta bo‘limdan iborat, bular: “Jahon avtomobilsozlik tarixi”, “O‘zbekiston avtomobil sohasi tarixi” va “Interaktiv amaliyot”.
Birinchi bo‘limda haqiqiy “Folksvagen qo‘ng‘izi”, “Moskvich-400”, GAZ-13 “Chayka” va jahon avtomobilsozligining boshqa shoh asarlari namoyish etiladi.
O‘zbekiston avtomobil sohasi tarixi haqidagi bo‘limda esa mahalliy avtosanoat taraqqiyotining muhim lahzalari aks etadi. Bu yerda General Motors zavodi konveyeridan turli yillarda chiqqan ilk avtomobillarni ko‘rish mumkin.
“Interaktiv amaliyot” bo‘limida fan va texnika olamiga sayohat qilish, matematika, fizika, astronomiya bo‘yicha bilimlarni yaxshilash imkoniyati bor.
Muzeyning ish rejimi quyidagicha:
1-qavat (“Jahon avtomobilsozlik tarixi”, “O‘zbekiston avtomobil sohasi tarixi”) — 10:00 dan 18:00 gacha, chipta narxi — 5000 so‘m (ekskursiya xizmati bir kishi uchun 1500 so‘m).
2-qavat (“Interaktiv amaliyot”) — seanslar 10:00, 12:00, 14:00, 16:00 da, chipta narxi 15 ming so‘m.
Batafsil | Подробно | Read more... Daryo