Putin tomonidan “yaroqsiz” deya topilgan limuzin 70 million rublga sotuvga qo‘yildi

“AMO ZiL” hamda “Depo-ZiL” kompaniyalari tomonidan prezident avtomobili sifatida ishlab chiqarilgan “ZiL-4112P” limuzini sotuvga qo‘yildi. “Auto.ru”da mashinaning bahosi 70 million rubl (1 180 000 dollar) etib ko‘rsatilgan. Ushbu avtomobilni 2016-yilda ham sotishga harakat qilishgan. O‘shanda uning narxi 1,2 million dollarga teng edi, deb xabar berdi “Motor”.

Foto: “Motor”

Bu turdagi limuzinlarni yaratish loyihasi “Monolit” deb nomlangan. 2012-yilning dekabrida Vladimir Putin ushbu mashinani sinovdan o‘tkazib ko‘rgani, biroq limuzin unga yoqmagani ma’lum bo‘lgandi.

Foto: “Motor”

Ushbu mashina “41047” limuzinining bazasida yaratilgan. “Motolit” modelidan faqatgina eshik ochgichlar va kapot qolgan, xalos. Shu bilan birga “4112P”ning g‘ildirak bazalari kengaytirilgan: o‘qlar orasidagi masofa 200 millimetrga oshgan. Limuzinning oltita eshigi va oltita o‘rindig‘i bor.

Foto: “Motor”

“Monolit” 400 ot kuchiga ega 7,7 litr sig‘imli V8 dvigateli yordamida harakatlanadi va besh pog‘onali avtomatik uzatmalar qutisi yordamida boshqariladi.

Foto: “Motor”

E’lon muallifining yozishicha, avtomobil zirhlanmagan, biroq unga zirhli kapsula o‘rnatish mumkin.

Foto: “Motor”

“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Putin tomonidan “yaroqsiz” deya topilgan limuzin 70 million rublga sotuvga qo‘yildi appeared first on Daryo .
Batafsil | Подробно | Read more... Daryo