O‘rta Chirchiqda bo‘g‘ib o‘ldirilgan xorazmlik qizning jasadi topildi

Huquqni muhofaza qiluvchi organlar tomonidan olib borilgan tezkor sa’y-harakatlar natijasida Toshkent viloyatining O‘rta Chirchiq tumanida sodir etilgan qotillik fosh etildi. Bu haqda viloyat IIB matbuot xizmati xabar bermoqda .

Foto: Toshkent viloyat IIB matbuot xizmati

19-noyabrda 1998-yili Xorazm viloyatida tug‘ilgan D.A. ism-sharifli qizning murdasi O‘rta Chirchiq tumani, Qorasuv hududidagi ariq ichidan topilgan. Sud-ekspertiza tahlillari qiz bog‘ich bilan bo‘g‘ib o‘ldirilganini ko‘rsatdi.
Olib borilgan tezkor-surishtiruv ishlari natijasida qotillikda gumon qilinayotgan shaxs aniqlanib, ushlandi. U 1990-yili Toshkent shahrida tug‘ilgan va kirakashlik bilan shug‘ullanuvchi X.A. ekani ma’lum bo‘ldi.
Ayni paytda Jinoyat Kodeksining 97-moddasi, ya’ni qasddan odam o‘ldirish jinoyati alomatlari bilan jinoyat ishi qo‘zg‘atilgan. Tergov harakatlarini viloyat prokuraturasi olib bormoqda. Qotillikda gumondorning boshqa jinoyatlarga aloqadorligi ham tekshirilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘rta Chirchiqda bo‘g‘ib o‘ldirilgan xorazmlik qizning jasadi topildi appeared first on Daryo .
Batafsil | Подробно | Read more... Daryo