Misr Kopt cherkovi Quddus sabab AQSh vitse-prezidentini qabul qilishdan bosh tortdi

Misrning Kopt pravoslav cherkovi yaqin vaqt ichida Qohiraga tashrif buyurishi kutilayotgan AQSh vitse-prezidenti Maykl Pensni qabul qilishdan bosh tortdi. “RIA Novosti” xabariga ko‘ra , bunga Vashingtonning Quddus masalasidagi nuqtai nazari sabab bo‘lgan.

Foto: “RIA Novosti”

Koptlar cherkovining rasmiy vakili bergan bayonotga ko‘ra, Maykl Pensni qabul qilmaslik haqidagi qaror “arab mamlakatlaridagi millionlab aholining his-tuyg‘ularini hisobga olmayotgan AQSh ma’muriyatining Quddus bo‘yicha nuqtai nazariga javobdir”.
Avvalroq, 8-dekabr, juma kuni Islomning sunniy mazhabidagi eng yirik hisoblangan Misrning Al-Azhar universiteti rahbari Ahmad at-Toyib ham Vashingtonning Quddus bo‘yicha qarori sabab Maykl Pens bilan uchrashishdan bosh tortishini ma’lum qilgan edi.
Al-Azhar vakillarining qayd etishicha, ular “tarixni soxtalashtiruvchilar, xalqlarning huquqlarini poymol qiluvchilar va bu xalqlarning muqaddas ziyoratgohlariga hujum qiluvchilar bilan muloqot qilmaydi”.
Eslatib o‘tamiz, 6-dekabr, chorshanba kuni AQSh prezidenti Donald Tramp Quddusni Isroil poytaxti sifatida olgan va Davlat departamentiga AQSh elchixonasini Tel-Avivdan Quddusga ko‘chirish haqida ko‘rsatma bergan edi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Misr Kopt cherkovi Quddus sabab AQSh vitse-prezidentini qabul qilishdan bosh tortdi appeared first on Daryo .

Top News