Oliy Liga—2017. Ravshan Ermatov eng qattiqqo‘l ham, eng sermahsul ham bo‘la olmadi. U eng na’munali

Futbol bo‘yicha O‘zbekiston Oliy Ligasining 2017-yilgi mavsumi bir qator referilarning chetlatilishi bilan yodda qoldi. Birinchilardan bo‘lib, Rustam Bobomurodov futbol bilan umrbod xayrlashishiga to‘g‘ri keldi.
Hozir bu haqda emas. “Championat.asia” nashri 2017-yilgi mavsum uchun hakamlar statistikasini taqdim etdi . Bu yil ularga bo‘lgan e’tiroz yanada ko‘payib ketgani inobatga olinsa, statistika O‘zbekiston futboli muxlislari uchun qiziq bo‘lishi mumkin.
Eng na’munali hakam

Foto: PFL

Sizningcha, O‘zbekistonda Ravshan Ermatovdan yaxshiroq hakam bo‘lishi mumkinmi? Savolni balki boshqacha qo‘ysa bo‘lar: nazoratchilar Ravshan Ermatovdan boshqa yana kimni yaxshiroq baho bilan siylashi mumkin?
Oliy Liganing 22 ta o‘yinida ishlagan Ermatovga o‘rtacha 9,05 ball qo‘yildi. Bu eng yuqori ko‘rsatkichdir. Vladislav Seytlin va Valentin Kovalenkoda mazkur ko‘rsatkich o‘rtacha 8,86 ni tashkil qildi.
Eng sermahsul hakam

Foto: PFL

Xalqaro o‘yinlarga ko‘proq jo‘nab ketgani uchun bo‘lsa kerak, har holda Ermatov eng ko‘p o‘yinda ishlamadi. Bu borada uning ko‘rsatkichi Vladislav Seytlinnikidan 1 taga qolib ketdi. Seytlin 23 ta bellashuvda 81 marta sariq kartochkasiga murojaat qildi, 3 marta futbolchilarga chiqish eshiklarini ko‘rsatib qo‘ydi va 3 marta 11 metrlik nuqtani ko‘rsatdi. Ko‘rinadiki, u o‘rta hisobda har bir o‘yinda 3,5 ta futbolchini ogohlantirgan.
Eng qattiqqo‘l hakam
Bu — Ermatov emas! Vaholknki, 22 ta o‘yinda referi 100 nafar futbolchini ogohlantirdi va 3 nafarini maydondan chetlashtirdi. Ravshan Ermatov har bir uchrashuvda o‘rtacha 4,5 futbolchiga sariq kartochka ko‘rsatib chiqqan. 6 marta 11 metrlik nuqtani ko‘rsatgan.
Shunda ham eng qattiqqo‘li bu Baxtiyor Namozovdir. U o‘rtacha har o‘yinda 5 ta sariq ko‘rsatgan. O‘zi bor-yo‘g‘i 7 ta o‘yinda ishlagan bo‘lsa-da, mana shunday nom tarata olgan. Yana 5 marta qizilga yuzlangani e’tiborga molik.
Eng yumshoq hakam

Foto: O‘FF

“Sho‘rtan” — “Navbahor” o‘yinidan keyin 10 ta futbol uchrashuviga diskvalifikatsiya qilingan Olim Tolibjonov futbolchilarga o‘rtacha har bir o‘yinda 2,27 tadan sariq ko‘rsatgan. Va faqatgina 1 marta qizilga murojaat etgan. Bu borada Tolibjonov o‘zining yumshoqligi bilan ajralib turgan. Balki unga keskinlik ko‘proq bo‘lgan o‘yin berilmagandir, yana kim biladi…
Penalti
Viktor Serazetdinov, Is’hoq Ibragimov, Ahmad Ergashev, Rustam Bobomurodov, Akmal Rahimov kabi hakamlar umuman qizil kartochkaga murojaat etmagan bir vaqtda, Dimitriy Pislegin o‘zi ishtirok etgan hamma o‘yinda penalti qo‘yib chiqqan, aniqrog‘i, statistika shunga to‘g‘ri keladi. Is’hoq Ibragimov, Rustam Bobomurodov, Akmal Rahimov kabilar qizildan tashqari, penalti ham berishmagan.

Foto: “Championat.asia”

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Oliy Liga—2017. Ravshan Ermatov eng qattiqqo‘l ham, eng sermahsul ham bo‘la olmadi. U eng na’munali appeared first on Daryo .
Batafsil | Подробно | Read more... Daryo