Uchtepadagi sayyor majlisda uyida fohishaxona saqlagan ayolning jinoiy ishi ko‘rib chiqildi

Jinoyat ishlari bo‘yicha Uchtepa tumani sudi tomonidan 116-umumta’lim maktabi binosida sayyor sud majlisi, shuningdek, jinoyat, fuqarolik, ma’muriy va iqtisodiy ishlar bo‘yicha sudyalarning jamoatchilik vakillari bilan uchrashuvi o‘tkazildi. Bu haqda O‘zA xabar bermoqda .

Foto: O‘zbekiston Oliy sudi

Sayyor sud majlisida sudlanuvchi Ye.K.ning fohishaxona tashkil etish va saqlash bilan bog‘liq jinoiy ishi ko‘rib chiqildi. Uchtepa tumanida istiqomat qiluvchi Ye.K. tanishining taklifiga binoan o‘z uyidan fohishaxona sifatida foydalanishga rozi bo‘lgan.
1983-yili Toshkent shahrida tug‘ilgan Ye.K. hayotda qiynalgan ayol. Avvaliga yoqilg‘i quyish shoxobchasida ishchi, keyinchalik kafeda ofitsiant bo‘lib ishladi. Yaqinlaridan ayrilgach, uyda yolg‘iz qoldi. Tushkunlikka tushib, sog‘lig‘i yomonlashdi, ishidan ham ayrildi.
Sayyor sud majlisida jinoyat ishi hujjatlari o‘rganib chiqildi, sudlanuvchi va guvohning ko‘rsatmalari eshitildi. Sudlanuvchi qilgan jinoyatiga iqror bo‘lib, qilgan ishidan qattiq pushaymonligini bildirdi, suddan unga nisbatan yengillik berishni so‘radi.
Sud jazoni og‘irlashtiruvchi holatlar mavjud emasligi, ayblanuvchining o‘z aybiga to‘liq iqrorligini, ijtimoiy ahvolini, muqaddam sudlanmaganligini jazoni yengillashtiruvchi holatlar sifatida baholab, Jinoyat kodeksining 131-moddasi ikkinchi qismi bilan Ye.K.ga bir yil ozodlikni cheklash jazosini tayinladi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Uchtepadagi sayyor majlisda uyida fohishaxona saqlagan ayolning jinoiy ishi ko‘rib chiqildi appeared first on Daryo .
Batafsil | Подробно | Read more... Daryo