“Yulduzlar jangi”ning o‘lim to‘shagidagi muxlisiga yangi filmni ko‘rsatishdi

Disney kompaniyasi, rejissor Jey Jey Abrams va Bad Robot kompaniyasi “Yulduzlar jangi”ning saratonga chalingan ishqibozi uchun yangi “Yulduzlar jangi: kuchning uyg‘onishi” filmining xayriya namoyishini o‘tkazdi, deya xabar bermoqda Look At Me.

Foto: Entertainment Weekly

Shu yilning iyulida Deniel Flitvudga biriktiruvchi to‘qima saratonining og‘ir va kamyob shakli bo‘lgan “duksimon hujayralar sarkomasi” tashxisi qo‘yilgan. Shifokorlar Flitvudning ikki oycha umri qolganini aytmoqda.
Flitvudning qarindoshlari “Kuchning uyg‘onishi” yaratuvchilarining e’tiborini jalb qilish uchun Twitter’da #ForceforDaniel kampaniyasini tashkil qildi. Biroz vaqt o‘tib, unga aktyor Mark Xemmil qo‘shildi (u filmda Lyuk Skayuoker rolini o‘ynaydi). Shundan so‘ng Flitvudga Abrams qo‘ng‘iroq qilib, ertasi kuni uning uyida film qo‘yib berilishini aytdi. Keyinroq Flitvudning qarindoshlari namoyish muvaffaqiyatli kechganini ma’lum qildi.
Batafsil | Подробно | Read more... Daryo