Birovlarga yoqmasam-chi, degan xavotir hayotimizni juda qiyinlashtiradi. Maqolada psixologlarning ushbu xavotirdan qutulish yo‘llari haqidagi fikrlarini keltirib o‘tamiz.
Foto: Flickr
O‘zingizni siyohning dog‘i deb tasavvur qiling
Mashhur Rorshax psixologik testini eslang. Bu testda inson siyoh dog‘ining tasviriga qarab nimani ko‘rayotganini ifodalab berishi kerak. Insonning nimani ko‘rganligi siyoh dog‘i haqida emas, o‘sha insonning o‘zi haqida axborot beradi. Birovga yoqadigan xislat boshqa birovga yoqmasligi mumkin. Endi o‘zingizni siyoh dog‘i bilan qiyoslab ko‘ring.
Boshqalarning sizni qanday qabul qilishlari, asosan ular bilan qanchalik ko‘p umumiy jihatlarga ega bo‘lishingizga bog‘liq. Tadqiqotchilarning fikricha, bizga ko‘proq fe’l-atvor jihatidan o‘zimizga o‘xshaydigan odamlar yoqar ekan. Tajriba vaqtida bu narsa ayniqsa yoqimsiz sifatlarga ega bo‘lgan odamlarda yorqin namoyon bo‘lgan. Masalan, jahldor va jizzaki odamlar o‘zlariga o‘xshagan sifatlarga ega bo‘lgan odamlarga ijobiy baho berishgan.
Esingizda bo‘lsin, siz o‘zingizning xatti-harakatlaringizni boshqara olasiz, lekin asl fe’lingizni va birovning tanlovini o‘zgartira olmaysiz.
Sizga noma’lum bo‘lgan omillar haqida ham o‘ylang
Boshqalarning qanday fikrga kelishlari nafaqat sizning sifatlaringizga, balki yana ko‘plab omillarga ham bog‘liq. Hamma o‘z ishlari va tashvishlariga qarab har xil kayfiyatda bo‘ladi. Kimdir og‘ir mehnatdan charchagan bo‘lsa, kimdir yaqini bilan urishib kayfiyati tushgan, yana kimdir qilinishi kerak bo‘lgan ishlarning ko‘pligidan boshi og‘rigan va hokazo. Ana shunday sizga noma’lum bo‘lgan omillar suhbatdoshingizning sizga qanday javob qaytarishiga katta ta’sir ko‘rsatadi va bu narsa sizning shaxsingizga bog‘liq emas.
Fikrlashingizdagi xatolarni aniqlab oling
Ko‘pincha beixtiyor atrofdagilar biz haqimizda salbiy fikrga ega, deb tasavvur qilamiz. Siz qanchalik haqsiz? Bunday fikrga kelishingizga sabab nima? Shular haqida yaxshilab o‘ylab ko‘ring.
Salbiy va neytral bahoning farqini biling
Noaniqlik bizda sabrsizlikni chaqiradi. Kimdir bizga do‘stlik yoki dushmanlik belgilarini namoyon etmasa, darrov salbiy fikrga ega ekan, degan xulosaga kelamiz. Bunday hollarda bizni o‘rab turgan dunyo haqidagi tasavvurlarimizga tayanishimizga to‘g‘ri keladi. Bu tasavvuringiz orasida “meni har doim rad qilishadi” deganga o‘xshagan fikr joy olgan bo‘lsa, sizga har bir vaziyat shunday tuyulaveradi.
Baribir kimgadir yoqmasligingiz aniq
Tasavvur qiling, yer yuzidagi 7 milliard odamning hammasi sizni taniydi. Xo‘sh, ularning hammasiga birday yoqasizmi? Aytaylik ularning 70 foizi siz haqingizda yaxshi fikrga ega, qolgan 20 foizi esa sizni juda ham yoqimli deb topishmaydi. Demak, salkam 2 milliard odam sizni yoqtirmaydi, ularni siz hayotingizda baribir uchratishingizga to‘g‘ri keladi.
Esingizda bo‘lsin, hayotda baribir kimgadir yoqmasligingiz tayin. Faqat buni xotirjam qabul qilish va oldinga qarab intilaverish kerak.
Manba: “Woman.ru”
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Barchaga yoqish istagidan qanday qutulish mumkin? appeared first on Daryo .
Batafsil | Подробно | Read more... Daryo
Related News
Top News
-
Toshkent shahri havosi yomg‘irdan keyin ifloslanganiga Ekologiya vazirligi izoh berdi.
17 may tongda Toshkent shahri havosi yuqori darajada ifloslanishi yog‘ingarchilikdan keyin hosil bo‘lgan kam miqdordagi tuman, nam havo oqimi kirib...
-
O‘zbekiston va AQSh o‘rtasidagi maxfiy harbiy ma’lumotlar bo‘yicha bitim ma’qullandi.
Qonunda o‘zaro manfaatli ma’lumotlar almashinuvi, beg‘araz harbiy-texnik yordam olish, harbiy texnikalarni to‘g‘ri ekspluatatsiya qilish uchun...
-
«Haj-2024» mavsumida Uzbekistan Airways 15 mingdan ortiq ziyoratchini Madinaga yetkazadi .
Ziyoratchilarni Saudiya Arabistoniga yetkazish uchun 124 ta charter qatnovini amalga oshirish rejalashtirilgan. .
-
Zelenskiy Xarkiv oblastida vaziyat barqarorlashganini ma’lum qildi.
RF qo‘shini so‘nggi hafta davomida frontning mazkur uchastkasida kamida o‘n kilometrga ilgarilagandi..
-
Фабрегас: "Гап битта унвон ютишда эмас, уни беш, олти, етти марта ютишда"
Сеск Фабрегас "Арсенал"нинг прогрессив ривожланишидан мамнун.
-
Клопп: "2022 йилги Чемпионлар лигаси финалида Куртуанинг 12 та қўли бор эди"
"Ливерпуль" бош мураббийи Юрген Клопп 2022 йилги Чемпионлар лигаси финал учрашувида жамоаси "Реал"га минимал 0:1 ҳисобида мағлуб бўлганини...