Putinning matbuot kotibi: Erdo‘g‘onning Isroil bo‘yicha nuqtai nazari Kremlga ma’lum, lekin Moskva unga qo‘shilmaydi

Turkiya prezidenti Rajab Toyyib Erdo‘g‘onning Isroil bo‘yicha nuqtai nazari Kremlga ma’lum, biroq Moskva bu nuqtai nazarga qo‘shilmaydi. Bu haqda Rossiya prezidenti matbuot kotibi Dmitriy Peskov ma’lum qildi, deya xabar bermoqda “TASS”.

Foto: “RIA Novosti”

Avvalroq Turkiya prezidenti Rajab Toyyib Erdo‘g‘on Isroilni terrorchilik mamlakati deb atab, Sharqiy Quddusni Falastin poytaxti deb e’lon qilishni taklif etgan edi .

Mavzuga doir:   Erdo‘g‘on Quddusni Falastin poytaxtiga aylantirishni taklif qildi

“Turkiya davlati yetakchisining bu nuqtai nazari bizga ma’lum. Biz bu nuqtai nazarni bilamiz va u ayni holatda bizning nuqtai nazarimiz bilan muvofiq kelmaydi. Rossiyaning Quddus hamda Yaqin Sharqdagi vaziyatni tartibga solish bo‘yicha nuqtai nazari barchaga yaxshi ma’lum”, — dedi Peskov.
Ayni vaqtda, Putinning matbuot kotibi Erdo‘g‘onning bunday fikrlari Isroil—Falastin mojarosini tartibga solishda qanchalik darajada maqbul ekaniga baho berishdan tiyildi. “Men yuqorida bildirgan fikrlarimga hech narsa qo‘shimcha qilolmayman”, — dedi u.
Turkiya prezidenti Rajab Toyyib Erdo‘g‘on 13-dekabr, chorshanba kuni Islom hamkorlik tashkilotining Istanbulda ochilgan favqulodda sammitidagi kirish nutqida Isroilni “bosqinchi va terrorchi” davlat deb atagan edi.
Eslatib o‘tamiz, 6-dekabr kuni AQSh prezidenti Donald Tramp Quddusni Isroil poytaxti sifatida tan olgan, shuningdek, davlat departamentiga AQSh elchixonasini Tel-Avivdan Quddusga ko‘chirish haqida ko‘rsatma bergan edi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Putinning matbuot kotibi: Erdo‘g‘onning Isroil bo‘yicha nuqtai nazari Kremlga ma’lum, lekin Moskva unga qo‘shilmaydi appeared first on Daryo .
Batafsil | Подробно | Read more... Daryo