O‘zbekiston Prezidenti Shavkat Mirziyoyev va Qirg‘iziston prezidenti So‘ranbay Jeenbekov o‘rtasidagi muloqot ikki mamlakat rasmiy delegatsiyalari ishtirokida kengaytirilgan tarkibdagi davom ettirildi. Bu haqda O‘zbekiston Prezidenti matbuot xizmati xabar bermoqda .
Unda asosiy e’tibor O‘zbekiston bilan Qirg‘iziston o‘rtasida siyosiy, savdo-iqtisodiy, transport kommunikatsiyalari, ilmiy-texnikaviy, bank-moliyaviy, madaniy-gumanitar va hududlararo hamkorlikni yanada rivojlantirish, energetika, sanoat, qishloq va suv xo‘jaligi, turizm va boshqa sohalardagi aloqalarni mustahkamlash masalalariga qaratildi.
Savdo-iqtisodiy aloqalar rivojida O‘zbekiston bilan Qirg‘iziston o‘rtasida ikki tomonlama hamkorlik bo‘yicha hukumatlararo komissiya muhim o‘rin tutmoqda. Keyingi paytda ikki mamlakat o‘rtasidagi tovar ayirboshlash ko‘rsatkichi yuksalmoqda.
2017-yilning yanvar—noyabr oylarida o‘zaro savdo hajmi 56 foizdan ziyodga o‘sib, 235 million dollardan oshdi. Ammo, muzokarada ta’kidlanganidek, bu ko‘rsatkich ikki mamlakatning mavjud imkoniyatlarini to‘liq aks ettirmaydi.
Ikki tomonlama tovar ayirboshlash nomenklaturasini diversifikatsiya qilish va yaqin yillarda uning hajmini 500 million dollarga yetkazish borasida ulkan salohiyat mavjudligi qayd etildi.
Tashqi savdo infratuzilmasi va eksport-import operatsiyalarini qo‘llab-quvvatlash mexanizmlarini faol rivojlantirish, birgalikda savdo uylari ochish, biznes-forumlar va sanoat mahsulotlarining milliy ko‘rgazmalarini o‘tkazish zarurligi ta’kidlandi.
Iqtisodiy hamkorlik haqida so‘z borar ekan, Qirg‘iziston hududida O‘zbekistonning qishloq xo‘jaligi texnikasi, yengil avtomobillari, avtobuslari, maxsus pritseplari va maishiy buyumlarini birgalikda yig‘ishni tashkil qilish loyihalarini amalga oshirish hamda qurilish materiallari va to‘qimachilik sanoatida qo‘shma korxonalar tuzish zarurligi qayd etildi.
Tomonlar bu loyihalar bilan cheklanmasdan, sanoat kooperatsiyasi sohasida istiqbolli yo‘nalishlarni birgalikda topishga kelishib oldi.
Ishbilarmonlarning tashriflarini tashkil qilish, hamkorlikning barcha sohalarida qo‘shma tadbirlar o‘tkazish, ikki mamlakat fuqarolari o‘rtasidagi aloqalarni kengaytirish orqali O‘zbekiston bilan Qirg‘iziston o‘rtasida hududlararo hamkorlikni rivojlantirish va mustahkamlashga bundan buyon ham alohida e’tibor beriladi.
Qirg‘iziston tomoni O‘zbekistonning ikki mamlakat bosh vazirlari rahbarligida Hokimlar va chegaradosh viloyatlar ma’muriyatlari rahbarlari kengashining birinchi majlisini o‘tkazish to‘g‘risidagi taklifini qo‘llab-quvvatladi.
Prezidentlar qisqa muddatda jahon bozorlariga chiqish imkonini beradigan transport va tranzit yo‘laklarni rivojlantirish sohasida ikki tomonlama hamkorlik strategik ahamiyatga egaligini qayd etdi.
Davlat rahbarlari “O‘zbekiston—Qirg‘iziston—Xitoy” temir yo‘lining qurilishi imkon qadar tezlashtirish mintaqa mamlakatlarining tub manfaatlariga xizmat qilishini alohida ta’kidladi.
2017-yil 30-oktyabr — 3-noyabr kunlari “Andijon—O‘sh—Irkishtom—Qoshg‘ar” yo‘nalishi bo‘yicha o‘tkazilgan tajribaviy avtopoygaga yuksak baho berildi. U mintaqadagi transport yo‘nalishlarini diversifikatsiya qilishda yana bir muhim omil bo‘ldi.
O‘zbekiston bilan Qirg‘iziston o‘rtasida suv-energetika sohasidagi hamkorlikni rivojlantirish masalalari muhokama qilindi. Bu masalalarni konstruktiv tarzda yechish uchun Qo‘shma ikki tomonlama suv xo‘jaligi komissiyasini tuzish va yaqin vaqt ichida uning majlisini o‘tkazishga kelishib olindi.
Gumanitar hamkorlik masalalari muhokama qilinar ekan, O‘zbekiston va Qirg‘iziston xalqlarining urf-odatlari, madaniyati, qadriyatlari mushtarakligi ta’kidlandi.
Davlat rahbarlarining kelishuviga binoan kelasi yil O‘zbekistonda xalqlarimiz intiqib kutgan Qirg‘iziston madaniyat kunlari bo‘lib o‘tadi. Shu bilan birga, 2018 yilda ikki xalq Qirg‘izistonning atoqli adibi Chingiz Aytmatov yubileyini keng nishonlaydi.
Shu munosabat bilan Qirg‘iziston prezidenti O‘zbekiston Milliy universitetida zabardast qirg‘iz o‘g‘loni Chingiz Aytmatovning hayoti va ijodiga bag‘ishlangan doimiy ko‘rgazma tashkil qilish to‘g‘risida qaror qabul qilgani uchun Shavkat Mirziyoyevga minnatdorlik bildirdi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston va Qirg‘iziston prezidentlari o‘rtasidagi muloqot kengaytirilgan tarkibda davom etdi appeared first on Daryo .
Batafsil | Подробно | Read more... Daryo
Related News
Top News
-
Toshkentda qum-shag‘al qazib olayotgan 9 kishiga 230 mln so‘m jarima belgilandi.
Toshkent shahrida qum-shag‘al qazib olayotgan 9 nafar fuqaro 230 million so‘m to‘laydigan bo‘ldi. Bu haqda Ekologiya vazirligi xabar berdi. .
-
Toshkentda Qirg‘iziston elchixonasining yangi binosi ochildi.
Ikki mamlakat bosh vazirlari ramziy tasmani kesib, Qirg‘iziston diplomatik vakolatxonasi binosini ochib berdi..
-
UFC Маҳмуд Муродов билан шартномани бекор қилди
UFC промоушени ўрта вазн тоифасида жанг қилувчи ўзбекистонлик спортчи Маҳмуд Муродов билан шартномани бекор қилди.
-
Shavkat Mirziyoyev raisligida Xorijiy investorlar kengashi yalpi majlisi bo‘lib o‘tadi.
Tadbirda yetakchi kompaniya va banklar, nufuzli xalqaro tashkilotlar va moliyaviy institutlar vakillari ishtirok etadi..
-
"Манчестер Юнайтед" ҳужум чизиғини "Барселона" футболчиси билан кучайтирмоқчи
"Манчестер Юнайтед" ҳужумни "Барселона" ҳужумчиси Витор Роке билан кучайтириши мумкин.
-
O‘zbekiston va Germaniya mehnat migratsiyasi sohasida qo‘shma dasturlarni kengaytiradi.
O‘zbekiston TIV rahbari o‘rinbosari va Germaniya bundestagining "GFR – Markaziy Osiyo" parlament guruhi raisi o‘rinbosari ikki tomonlama...