Telegram advokatlari FXXning o‘zboshimchaligidan himoya so‘rab BMTga murojaat qildi

Telegram’ning manfaatlarini himoya qiluvchi “Agora” huquqni himoya qilish guruhi, messenjerning Rossiyada blok qilinishi xavfi mavjudligi sabab, yordam so‘rab BMTga murojaat qildi. Guruh huquqshunoslarining “Kommersant”ga ma’lum qilishicha , ular BMTning so‘z erkinligi bo‘yicha maxsus ma’ruzachisi Devid Kayega murojaat yo‘llagan.

Foto: “Gazeta.ru”

TJournal’ning yozishicha, BMTga murojaat yo‘llangani haqidagi xabarni “Agora” rahbari Pavel Chikov tasdiqlagan .
Huquqshunoslar BMTdan Rossiya hukumatini “fuqarolarning, xususan, onlayn makonda fikr bildirish, maxfiylik va anonimlik huquqlariga o‘zboshimchalik aralashish amaliyotini kengaytirishdan tiyilish”ga chaqirishni so‘ragan.
Guruh advokati Damir Gaynutdinovning aytishicha, Rossiyadagi amaldagi qonunchilik bo‘yicha, mamlakat maxsus xizmatlari sud qarorisiz foydalanuvchilarning yozishmalarini qo‘lga kiritishi mumkin.
12-dekabr kuni Rossiya sudi Telegram huquqshunoslarining apellyatsiya shikoyatini rad etgan edi — shikoyat kompaniya o‘z foydalanuvchilarining yozishmalarini Rossiya Federal xavfsizlik xizmati (FXX) o‘qiy olishi uchun shifrlash kodlarini taqdim etishdan bosh tortgani uchun 800 ming rubl (taxminan 109 million so‘m) miqdorida jarimaga tortilgani ustidan berilgan edi.
Qonunchilikka muvofiq, agar Telegram sud talabini 15 kun ichida bajarmasa, “Roskomnadzor” (Rossiya aloqa, axborot texnologiyalari va ommaviy kommunikatsiyalar sohalarini nazorat qilish bo‘yicha federal xizmati) messenjerni blok qilishni boshlaydi. Bungacha sud “Roskomnadzor”ga apellyatsiya qarorini yo‘llashi, so‘ng bu idora qoidabuzarlikni bartaraf etish muddatlari haqida taqdimnoma chiqarishi lozim.
“Agora” sudning bu qarori ustidan Inson huquqlari bo‘yicha Yevropa sudiga ham shikoyat yo‘llashni rejalashtirgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Telegram advokatlari FXXning o‘zboshimchaligidan himoya so‘rab BMTga murojaat qildi appeared first on Daryo .
Batafsil | Подробно | Read more... Daryo