Bo‘tqani yoqtirmaydigan bolalar uchun 4 xil nonushta

Farzandining “yana o‘sha bo‘tqami”, deb xo‘rsinganini eshitgan onaning vijdoni uyg‘onib, yangicha nonushta bilan bolani xursand qilgisi keladi. Biz esa aynan shunday vaziyatlarda asqotadigan 4 xil tez va oson tayyorlanadigan nonushtaning retseptini e’tiboringizga havola etamiz.

Foto: Shutterstock

Manniyli puding
Tayyorlashga ketadigan vaqt 45 daqiqa
4—5 porsiyaga mo‘ljallangan
Kerakli masalliqlar:

Sut 1 litr
Manniy yormasi 200 g
Tuxum 2 dona
Un 2 osh qoshiq
Shakar 4 osh qoshiq
Ozgina tuz
Vanilin


Quyuq manniy bo‘tqasini tayyorlab, unga 3 osh qoshiq shakar, tuz va vanilinni qo‘shing
Tuxumlarni 1 osh qoshiq shakar bilan ko‘pirtiring, so‘ngra unni qo‘shib aralashtiring va aralashmani manniy bo‘tqasiga qo‘shing
Sariyog‘ bilan yog‘langan formaga aralashmani solib, ustiga tuxum sarig‘ini surting
Oldindan 180—200 gradusgacha qizdirib qo‘yilgan duxovkada 30—35 daqiqa davomida pishiring.

Tvorogli toblama
Tayyorlashga ketadigan vaqt 1 soat 40 daqiqa
4 porsiyaga mo‘ljallangan
Kerakli masalliqlar:

Tvorog 500 g
Smetana 100 g
Kraxmal 3 osh qoshiq
Shakar 3 osh qoshiq
Bir chimdim tuz
Tuxum 2 dona
Banan 2 ta
Vanilin


Tvorog, shakar, smetana, tuxum, tuzni idishga solib blender yordamida aralashtiring
Kraxmalni qo‘shib yana aralashtiring
Aralashmani pergament solingan formaga to‘kib, ustiga kesib tayyorlab qo‘yilgan bananni qo‘ying, duxovkada 190 gradusda 25 daqiqa pishiring
Duxovkani o‘chirgach, soviguncha undan chiqarmang

Omlet
Tayyorlashga ketadigan vaqt 40 daqiqa
3 porsiyaga mo‘ljallangan
Kerakli masalliqlar:

Tuxum 5 dona
Sut 400 ml
Tuz 0,5 choy qoshiq
Sariyog‘ 1 osh qoshiq
Pomidor 2 dona
Pishloq 70 g


Tuxumlarni tuz solib biroz ko‘pirtiring, sutni qo‘shib yana aralashtiring
Yog‘langan formaga solib, ustidan to‘g‘ralgan pomidorlarni soling. Qirg‘ichdan o‘tkazilgan pishloqni seping.
200 gradusgacha qizdirib qo‘yilgan duxovkada 15—20—30 daqiqa davomida pishiring
Pishib chiqqach, ustiga eritilgan sariyog‘ seping

Guruchli toblama
Tayyorlashga ketadigan vaqt 55 daqiqa
6 porsiyaga mo‘ljallangan
Kerakli masalliqlar:

Tvorog 600 g
Tuxum 2 dona
Guruch 0,5 stakan
Shakar 4 osh qoshiq
Tuz bir chimdim
Smetana 3 osh qoshiq
Vanilin


Guruchni qaynatib pishiring
Tvorog, tuxum, shakar, guruch, tuz, vanilinni qo‘shib aralashtiring
Pergament solingan formaga aralashmani to‘kib, ustiga smetanani soling. Duxovkada 200 gradusda 30—35 daqiqa davomida pishiring.

“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Bo‘tqani yoqtirmaydigan bolalar uchun 4 xil nonushta appeared first on Daryo .
Batafsil | Подробно | Read more... Daryo