O‘zbekistonda diabetga qarshi kurash oyligi o‘tkaziladi

O‘zbekiston Sog‘liqni saqlash vazirligi qarori bilan har yili noyabr oyida qandli diabetga qarshi kurash oyligi o‘tkazib kelinmoqda. Vazirlik xabariga ko‘ra , ushbu tadbirdan maqsad — mazkur yo‘nalish bo‘yicha tibbiy profilaktika ishlarini yanada kengaytirish, aholining tibbiy bilim va madaniyatini, qandli diabet kasalligini tashxislash va davolash samaradorligini oshirishdir.

Foto: “Gazeta.uz”

14-noyabr — Xalqaro diabetga qarshi kurash kunida Respublika ixtisoslashtirilgan endokrinologiya ilmiy-amaliy tibbiyot markazida, shuningdek, barcha viloyat endokrinologiya dispanserlarida ochiq eshiklar kuni tashkil etiladi. Bunda barcha xohlovchilar qandli diabetga aloqador zarur maslahat va tashxis yordamini olishlari mumkin.
Shuningdek, Toshkent shahar Yunusobod tumanidagi 52-oilaviy poliklinikada, O‘zbekiston xotin-qizlar qo‘mitasida, Borovskiy va Oxunboboyev nomidagi tibbiyot kollejida skrining kunlari o‘tkaziladi va tadbir doirasida xavf guruhiga kiruvchi aholi markaz mutaxassislari tomonidan tibbiy ko‘rikdan o‘tkaziladi.
Bundan tashqari, 19-noyabr kuni “Endokrin kasalliklarning dolzarb masalalari” mavzusida respublika konferensiyasini o‘tkazish, 26-noyabr kuni esa diabetga qarshi kurash oyligi yakunlariga bag‘ishlangan matbuot anjumani tashkil etish rejalashtirilgan.
Batafsil | Подробно | Read more... Daryo