Rossiya AQShni Suriyada IShIDning sobiq jangarilaridan iborat yangi qurolli guruhlar tuzishda aybladi

Suriyadagi nizolashayotgan tomonlarni yarashtirish bo‘yicha Rossiya markazi bayonotiga ko‘ra, amerikalik instruktorlar Suriya hukumat armiyasiga qarshi kurash olib borish uchun IShID va boshqa terrorchilik tashkilotlari jangarilaridan yangi qurolli guruhlar tuzmoqda. Bu haqda Meduza xabar bermoqda .

Foto: “Interfaks”

Rossiyalik harbiylarning ta’kidlashicha, ushbu yo‘nalishda Suriya shimoli-sharqidagi Al-Xaseka viloyatidagi qochoqlar lageri yaqinida yarim yildan beri tayyorgarlik olib borilmoqda (mazkur hudud asosan suriyalik kurdlarning qurolli tuzilmalari nazorati ostidadir).
“Hozirgi kunda qochoqlar lageri yaqinida Raqqa, Dayr-az-Zavr, Abu Kamol va Frotning sharqiy hududlaridan kelgan 750 ga yaqin jangari bor. Guruhning asosini oktabr oyida Raqqani AQShning ko‘magida hech bir to‘siqsiz tark etgan IShIDning 400 ga yaqin terrorchisi tashkil etadi”, — deyiladi markaz bayonotida.
Amerikalik harbiylar hozircha bu bayonot yuzasidan hech qanday izoh bergani yo‘q.
Ma’lumot uchun, 2017-yil dekabrida Rossiya harbiylari Suriyada IShID terrorchilik tashkiloti to‘liq tor-mor etilgani haqida hisobot berdi. Keyinroq Iroq va AQSh hukumatlari ham xuddi shunday bayonot berdi. Biroq, boshqa manbalarning ma’lumotlariga ko‘ra, Suriyada IShIDga qarshi janglar davom etmoqda.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Rossiya AQShni Suriyada IShIDning sobiq jangarilaridan iborat yangi qurolli guruhlar tuzishda aybladi appeared first on Daryo .
Batafsil | Подробно | Read more... Daryo