Muvaffaqiyatli rahbarlar ish kunini qanday o‘tkazadi?

Ish kuni davomida rahbarlarning o‘zini qanday tutishi butun kompaniya muvaffaqiyatiga ta’sir ko‘rsatadi.

Foto: Shutterstock

Olimlar olti mamlakatning mingdan ortiq rahbarlari orasida ish kuni davomida nima qilishini, ularning yurish-turishi kompaniyaning muvaffaqiyatiga qanday ta’sir ko‘rsatishini aniqlash uchun so‘rov o‘tkazdi.
So‘rov natijalariga ko‘ra, odatda kun davomida vaqt quyidagicha taqsimlanadi:

56% — uchrashuvlar va yig‘ilishlar;
26% — rejalashtirish, pochta orqali aloqa va boshqa shunga o‘xshash ishlar;
10% — shaxsiy masalalar;
8% — safarlar.

Shuningdek tadqiqotchilar bu vaqt aynan nimaga sarf qilinishini ham o‘rganib chiqdi. Ma’lum bo‘lishicha, rahbarlarni yurish-turishiga qarab ikki guruhga ajratish mumkin ekan: yetakchilar va menejerlar.
Menejerlar ko‘proq ishlab chiqarish-tarqatish sohasi xodimlari bilan ish ko‘radi, mijozlar va ta’minlovchilar bilan uchrashadi.
Yetakchilar esa asosan oliy bo‘g‘in rahbarlari va tashqi manfaatdor tomonlar bilan munosabatda bo‘ladi, ko‘p rejalashtiradi va gaplashadi.
Birinchisi odatda unchalik katta bo‘lmagan korxonalarga rahbarlik qiladi, ikkinchisi esa ko‘pincha yirik va tuzilishi murakkab bo‘lgan kompaniyalarni boshqaradi.
Rahbarlarning turini kompaniyaning moliyaviy ko‘rsatkichlariga qarab taqqoslashdan keyin olimlar yetakchilar boshqarayotgan kompaniyalar muvaffaqiyatliroq va daromadliroq degan xulosaga keldi.
Albatta, rahbarning ish kunini qanday o‘tkazishi kompaniyaning faoliyatiga va shu kundagi holatiga bog‘liq. Inqiroz vaqtida bir to‘plamdagi malakalar, barqaror rivojlanish vaqtida esa — butunlay boshqacha malaka kerak bo‘ladi.
Agar kichikroq kompaniyani yetakchi rahbar boshqaradigan bo‘lsa bu qo‘rqinchli emas, lekin bunga teskari bo‘lgan vaziyat ko‘proq zarar keltirishi mumkin.
Manba: “Layfxaker”
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Muvaffaqiyatli rahbarlar ish kunini qanday o‘tkazadi? appeared first on Daryo .
Batafsil | Подробно | Read more... Daryo