“Gazeta.ru” mushtariylari tomonidan bemorga yurak ko‘chirib o‘tkazilishi uchun zarur mablag‘ bir sutkada to‘plandi

“Mablag‘ yig‘ish yakunlandi” – bu so‘zlarni shifokor yordamiga muhtoj, biroq buning uchun yetarli mablag‘ga ega bo‘lmagan yuzlab kishilar eshitishni istaydi. Endi bu so‘zlarni orenburglik 24 yoshli Lyudmila Pimenovaning sahifasida ko‘rish mumkin, deb xabar beradi “Gazeta.ru”.

Foto: “Gazeta.ru”

Bir sutkadan kam vaqt ichida “Gazeta.ru” va “Exo Moskvi” sayti o‘quvchilari Lyudaning hisobiga kerakli summani o‘tkazdi.
Lyuda Pimenova 24 yoshda bo‘lsa-da, uning tashqi ko‘rinishiga qarab 16 yosh berish mumkin. Bo‘yi 1,65 bo‘lishiga qaramasdan, uning vazni bor-yo‘g‘i 45 kilogrammni tashkil etadi. U oxirgi yarim yil ichida juda ozib ketdi, chunki u deyarli ovqatlanmaydi, faqat suv ichadi. Lyudaning yuragi og‘ir xastalikka chalingan va so‘nggi bir necha oy davomida ikki barobarga kattalashgan.
Lyuda va uning onasi yordam uchun xayriya jamg‘armalariga murojaat qildi. Pul to‘plash uch oy davom etdi, shu vaqt ichida qizga 46 ming dollar o‘tkazildi. Qolgan 74 ming dollar esa “Gazeta.ru” va “Exo Moskvi” mushtariylari tomonidan bir sutkadan kam vaqt ichida to‘plandi.
Lyudaga yurak ko‘chirib o‘tkazish bo‘yicha operatsiya Hindistonning Chennai shahrida amalga oshiriladi.
Batafsil | Подробно | Read more... Daryo