Unumdorlikni oshirish uchun 6 ta oddiy va amaliy maslahat

Shubhasiz, siz bu maslahatlarni ko‘p eshitgansiz, lekin ularni yana bir marta eslash ortiqchalik qilmaydi. Ular hayotingizni hamma sohalarda yaxshilashga yordam beradi.

Foto: “Layfxaker”



Yig‘ilishni cho‘zib yubormang


Yig‘ilishga beshtadan ortiq odam taklif qilmang va 30 daqiqadan ko‘pga cho‘zmang. Yig‘ilish oxirida albatta keyingi qilinadigan ishlar ko‘rib chiqilishi kerak, aks holda bu majlisning oshxonadagi suhbatlardan farqi bo‘lmaydi.


Ishlar ro‘yxatini to‘g‘ri tuzing


Agar har bir bandga dedlayn qo‘yilgan bo‘lsa, ishlar ro‘yxati juda foydali bo‘ladi. Aks holda bu qachondir bajarilishi kerak bo‘lgan uzundan-uzoq ishlar ro‘yxatiga aylanib qoladi.


Ijtimoiy tarmoqlarga ma’lum bir vaqtni ajrating


Hamma xabarlarni to‘xtatib qo‘ying va ijtimoiy tarmoqlarga kiradigan aniq bir vaqtni belgilang. Agar buni amalga oshirmasangiz, siz xabarlarning yopiq doirasiga tushib qolasiz.


Eng qiyinidan boshlang


Qiyin qismini keyinga qoldirmang, uni darrov bajaring. Shunda kunning qolganini o‘tkazish yoki ishning qolgan qismini qilish ancha osonroq bo‘ladi. Bunday yondashish prokrastinatsiyani yengishga yordam beradi.


Miriqib uxlang


Uyquni qurbon qilish bilan siz o‘z maqsadingizga yaqinlashmaysiz. Agar sizga 8 soat uyqu zarur bo‘lsa, lekin 6 soat uxlagan bo‘lsangiz, unda sizning kunduzgi ishingiz unumli bo‘lmaydi. Balki siz ish kuniga 2 soat qo‘shgan bo‘lishingiz mumkin, lekin ishning sifatidan ancha ko‘prog‘ini yo‘qotgan bo‘lasiz. Buning ustiga salomatligingizga ham zarar yetkazasiz.


Mayda ishlarga ko‘p vaqt sarflamang


Ba’zan biz mayda ishlarga shunchalik o‘ralashib ketamizki, haqiqatda muhim bo‘lgan ishlarni unutib qo‘yamiz va vaqtning qanday o‘tganini sezmay qolamiz. Bunga yo‘l qo‘ymaslik uchun ishlarning aniq ro‘yxatini tuzing.
Manba: “Layfxaker”
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Unumdorlikni oshirish uchun 6 ta oddiy va amaliy maslahat appeared first on Daryo .
Batafsil | Подробно | Read more... Daryo