Shavkat Mirziyoyev Xitoy mudofaa vazirini qabul qildi

O‘zbekiston Prezidenti Shavkat Mirziyoyev 20-dekabr kuni mamlakatga tashrif bilan kelgan XXR Davlat kengashi a’zosi, mudofaa vaziri Chan Vansyuanni qabul qildi. Bu haqda O‘zbekiston Prezidentining rasmiy saytida ma’lum qilindi .

Foto: O‘zbekiston Prezidentining matbuot xizmati

Davlat rahbari mehmonni samimiy qutlar ekan, turli darajadagi aloqalar faollashib, samarali hamkorlik mustahkamlanayotgani mamlakatlar o‘rtasida har tomonlama strategik sheriklik munosabatlari jadal sur’atlarda izchil rivojlanishiga xizmat qilayotganini katta mamnuniyat bilan ta’kidladi.
Joriy yil may oyida Xitoyga oliy darajadagi tashrif yakunida erishilgan kelishuv va imzolangan shartnomalarni amalga oshirish masalalariga alohida e’tibor qaratildi.

Foto: O‘zbekiston Prezidentining matbuot xizmati

Uchrashuvda ikki tomonlama harbiy va harbiy-texnik hamkorlikning bugungi holati va istiqbollari ko‘rib chiqildi, mintaqaviy xavfsizlik va barqarorlikni mustahkamlashning dolzarb masalalari muhokama qilindi.
Xitoy mudofaa vaziri Shavkat Mirziyoyevga samimiy qabul uchun minnatdorlik bildirib, XXR raisi Si Szinpinning salomi va eng ezgu tilaklarini yetkazdi.
Chan Vansyuan O‘zbekiston Qurolli Kuchlari salohiyati va mudofaa qobiliyatini oshirish borasida amalga oshirilayotgan islohotlarni yuksak baholab, Xitoy tomoni bu sohada o‘zaro manfaatli sheriklikni yanada mustahkamlashga tayyor ekanini bildirdi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shavkat Mirziyoyev Xitoy mudofaa vazirini qabul qildi appeared first on Daryo .
Batafsil | Подробно | Read more... Daryo