O‘zbekiston xayr-saxovat bo‘yicha dunyo reytingida bir pog‘ona yuqorilab, 27-o‘rinni egalladi

O‘zbekiston 2015-yilgi Dunyo xayr-saxovat reytingi (World Giving Index) o‘tgan yilgiga nisbatan bir pog‘ona yuqorilab, 27-o‘rinni egalladi, deya xabar bermoqda “Anons”. Reyting CAF (Charities Aid Foundation) xayriya jamg‘armasi tomonidan taqdim etildi.

Foto: “Gazeta.uz”

Xayr-saxovat bo‘yicha 2015-yilgi dunyo reytingi Gallup kompaniyasi tomonidan 2014-yil davomida 145 ta mamlakatda o‘tkazilgan so‘rov ma’lumotlari bo‘yicha tuzilgan. Mamlakatning reytingdagi o‘rni xayriya tashkilotlariga mablag‘ o‘tkazish, ko‘ngilli sifatida ishlash, notanish muhtoj kishiga yordam berish kabi uchta yo‘nalish bo‘yicha o‘rtacha ko‘rsatkichdan kelib chiqib belgilanadi.
Tadqiqot natijalariga ko‘ra, O‘zbekiston boshqalarga to‘g‘ridan-to‘g‘ri yordam beradigan kishilar soni (43%) bo‘yicha 7-o‘rin, notanish muhtoj kishiga yordam berish bo‘yicha 38-o‘rin va xayriya tashkilotlariga mablag‘ o‘tkazish borasida 62-o‘rinni egalladi.
Myanma va AQSh reyting yetakchilariga aylandi, uchinchi pog‘onani Yangi Zelandiya, to‘rt va beshinchi pog‘onalarni esa Kanada va Avstraliya band etdi. Reytingdagi eng past ko‘rsatkich esa Burundiga tegishli bo‘ldi.
Batafsil | Подробно | Read more... Daryo