BMT Shimoliy Koreyaga qarshi yangi sanksiyalarni joriy qildi

BMT Xavfsizlik kengashi 22-dekabr, juma kuni KXDRga qarshi sanksiyalarning qat’iylashganini ko‘zda tutuvchi rezolyutsiyani bir ovozdan qabul qildi, deb xabar beradi “Interfaks”.

Foto: EPA

“Ovoz berish jarayoni natijalari quyidagicha: Kengashning 15 nafar a’zosi rezolyutsiya qabul qilinishini yoqlab, ovoz berdi. Rezolyutsiya loyihasi bir ovozdan qabul qilinadi”, — deydi Xavfsizlik kengashi raisi, Yaponiyaning BMTdagi doimiy vakili Koro Besho.
AQSh tomonidan tayyorlangan rezolyutsiya loyihasi kengash a’zolariga yaqinda tarqatilgan edi.
BMT Xavfsizlik kengashining Shimoliy Koreya bo‘yicha hujjati neft mahsulotlarini yetkazib berishni keskin qisqartirishni ko‘zda tutadi.
Shu tarzda KXDRga neft, jumladan dizel yoqilg‘isi va kerosin yetkazib berishni qariyb 90 foizga kamaytirib, ularning hajmini yiliga 500 ming barrelga tushirish taklif etilmoqda.
Bundan tashqari, KXDRga turli xil mineral moddalar, kimyoviy tovarlar, elektr jihozlari, shuningdek ayrim ozuqaviy mahsulotlar yetkazib berish taqiqlanadi.
Shuningdek, barcha mamlakatlarga Shimoliy Koreya portlaridan kelayotgan yoki u yerdan ketayotgan kemalarni to‘xtatish, tintuv qilish va ushlab turish huquqi beriladi.
AQSh tomonidan Shimoliy Koreyaning 15 nafar fuqarosi va xalq qurolli kuchlari vazirligini sanksiyar ro‘yxatiga kiritish taklif qilindi.
KXDR ishchi kuchidan foydalanayotgan mamlakatlar bir yil ichida o‘z hududidan shimoliy koreyalik ishchilarni deportatsiya qilishi kerak.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post BMT Shimoliy Koreyaga qarshi yangi sanksiyalarni joriy qildi appeared first on Daryo .
Batafsil | Подробно | Read more... Daryo