Zidan o‘zaro to‘qnashuvlarning ketma-ket 5 tasida Valverdedan ustun kelgandi. Bu safar “Barsa” ustozi g‘olib chiqdi

Zinedin Zidan hamda Ernesto Valverde murabbiylik faoliyatlari davomida o‘zaro oltinchi bor to‘qnash keldi. Bungacha ketma-ket 5 ta uchrashuvda fransiyalik mutaxassis boshqargan jamoa ustunlik qilgandi.

Foto: Getty Images

“Barselona” Superkubok uchun “Real”dan alamini oldi va “Santyago Bernabeu”dan yirik g‘alaba bilan qaytdi
Valverde Bilbaoning “Atletik” klubini boshqargan vaqtida Zidan murabbiyligidagi “Real”ga 3 marta imkoniyatni boy bergandi.

13-fevral, 2016 yil: “Real” — “Atletik” 4:2
23-oktabr, 2016-yil: “Real” — “Atletik” 2:1
18-mart, 2018-yil: “Atletik” — “Real” 1:2


Foto: Getty Images

Keyinchalik Valverde “Barselona” bosh murabbiyiga aylandi. Biroq uning ketma-ket ikki “El-Klasiko”si ham Zidan shogirdlarining g‘alabasi bilan yakuniga yetdi. O‘zaro to‘qnashuvlarning oltinchisiga kelibgina birinchi yirik hisob kuzatildi va Ernesto tarixda ilk bor Zidan jamoasini taslim qildi — 3:0.

13-avgust, 2017-yil: “Barselona” — “Real” 1:3
16-avgust, 2017-yil: “Real” — “Barselona” 2:0
23-dekabr, 2017-yil: “Real” — “Barselona” 0:3

Biz o‘yinni yaxshi boshladik. Birinchi bo‘limda kurashda tenglik kuzatildi. Ikkinchi taymda esa yomon himoyalandik va xatolarga yo‘l qo‘ydik. Bunday o‘yinlarda epizoddar ko‘p narsani hal qiladi. Mag‘lubiyat biz uchun og‘riqli, ammo bu futbol.
Hisob qanchalik hafa qilmasin, hech narsani o‘zgartirmaymiz. Oldinda ta’til bor. Bu o‘yin haqida unutib, vaqtni oilamiz bilan o‘tkazamiz hamda hali hech narsa yo‘qotilmagandek kayfiyatda qaytib kelamiz.
Boshlang‘ich tarkib maslasiga to‘xtalsam, bu mening vazifam edi. Kovachichning asosiy tarkibga kiritilishi, Messini qurolsizlantirish uchun edi.
Zinedin Zidan, “Real” bosh murabbiyi

Foto: Getty Images

Biz baxtiyormiz. Axir ajoyib jamoani uning maydonida taslim qildik. Biroq hali birinchi bosqich ham to‘liq yakuniga yetmadi, oldinda o‘yinlar ko‘p. Oradagi farq hali hech narsa emas, hammasi keyinroq hal bo‘ladi.
“Real” o‘yinimizni namoyish eta olmasligimiz uchun harakat qildi. Biz esa sekin-asta vaziyatlar yaratib, gol urishga erishdik. Keyinroq raqib kamchilikda to‘liq tarkibdan ko‘ra ko‘proq xavfliroq ko‘rindi.
Ernesto Valverde, “Barselona” bosh murabbiyi

Foto: Getty Images

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Zidan o‘zaro to‘qnashuvlarning ketma-ket 5 tasida Valverdedan ustun kelgandi. Bu safar “Barsa” ustozi g‘olib chiqdi appeared first on Daryo .
Batafsil | Подробно | Read more... Daryo