Lionel Messi 2017-yilni “Oltin to‘p” sohibi Krishtianu Ronaldudan ko‘proq gol urib, yakunladi

“Real” hamda “Barselona” o‘rtasidagi “El-Klasiko” mazkur ikki jamoa uchun 2017-yildagi so‘nggisi bo‘ldi. Shu tariqa ular yangi yil ta’tiliga chiqib ketdi.

Foto: FotMob

“Barselona” Superkubok uchun “Real”dan alamini oldi va “Santyago Bernabeu”dan yirik g‘alaba bilan qaytdi
2017-yil yakunlariga ko‘ra France Football Krishtianu Ronalduni “Oltin to‘p”ga loyiq ko‘rgan bo‘lsa, FIFA The Best sovrinini aynan portugaliyalik hujumchiga topshirgandi. Bunda “Real”ning La Ligada zafar quchishi hamda Chempionlar Ligasida ketma-ket ikki bor g‘olib chiqqan yagona jamoaga aylanib olishi muhim rol o‘ynagandi.
2017-yilni esa Messi va “Barselona” yaxshiroq ko‘rsatkich bilan yakunladi. Kataloniya klubi “Qirollik jamoasi”idan 14 ochkoga o‘zib ketdi. Hali 2-davra boshlanmay turib farqning bu qadar kattalashib ketishi, chempionlik masalasi hal qilindimi qabilidagi savollarni keltirib chiqardi.

Foto: FotMob

“El-Klasiko”ga qadar har ikki futbolchi 2017-yil hisobidan 53 tadan gol urgan bo‘lib turgandi. “Santyago Bernabeu”da argentinalik hujumchi 54-golini urishga erishdi va bu borada Krishtidan ilgarilab ketdi.
Biroq o‘rta hisobda Ronalduning ko‘rsatkichlari yaxshiroq. U 60 ta o‘yinda 53 ta gol urdi. Messiga esa 54 ta gol uchun 64 ta o‘yin kerak bo‘ldi. Bu Ronalduning natijasi 0,4 foizga yaxshiroq ekanini bildiradi.

Foto: FotMob

Jamoadoshlariga golli paslar berish bobida esa Messi yaxshiroq natijaga ega. Unda bunday paslar soni 16 ta, Ronalduda esa 13 ta.
Lionel Messi yil davomida “Barselona” uchun 50 ta, Argentina termasi uchun 4 ta gol urdi. Krishtianu “Real” foydasiga 42 ta, Portugaliyaga esa 11 ta gol urib berdi.
Lionel Messi “El-Klasiko”lar tarixida gol urish bo‘yicha eng yaxshi futbolchi maqomini yanada mustahkamladi. Ronaldu esa Alfredo Di Stefano bilan tenglashib olish imkoniyatini vaqtincha qo‘ldan boy berdi.
Zidan o‘zaro to‘qnashuvlarning ketma-ket 5 tasida Valverdedan ustun kelgandi. Bu safar “Barsa” ustozi g‘olib chiqdi
“El-Klasiko” to‘purarlari

Lionel Messi — 24 ta
Alfredo Di Stefano — 18 ta
Krishtianu Ronaldu — 17 ta
Raul — 15 ta
Ferents Pushkash — 14 ta
Sesar Rodriges — 14 ta
Fransisko Xento — 14 ta


Foto: FotMob

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Lionel Messi 2017-yilni “Oltin to‘p” sohibi Krishtianu Ronaldudan ko‘proq gol urib, yakunladi appeared first on Daryo .
Batafsil | Подробно | Read more... Daryo