CNN: Amerikaliklarning 49 foizi AQSh elchixonasining Quddusga ko‘chirilishiga qarshi

Amerikaliklarning salkam yarmi (49 foizi) AQShning Isroildagi elchixonasini Tel-Avivdan Quddusga ko‘chirish shart emas, deb hisoblaydi. CNN telekanali tomonidan o‘tkazilgan so‘rov shunday natija taqdim etdi, deya xabar bermoqda “Kommersant”.

Foto: Getty23

AQSh aholisining faqat 36 foizi mamlakat prezidenti Donald Trampning Isroildagi elchixonani bir shahardan bahsli boshqa biriga ko‘chirish haqidagi qarorini qo‘llab-quvvatlagan.
Tadqiqotchilarning aniqlashicha, so‘rovnomada qatnashganlarning uchdan ikki qismi AQSh Isroil-Falastin mojarosida hech bir tomonning yonini olmasligi kerak, deb hisoblaydi.
Ayni vaqtda, AQSh nizolashayotgan bu ikki tomondan biri qo‘llab-quvvatlashi kerak deb hisoblagan amerikaliklarning 24 foizi Isroilni, atigi 2 foizi Falastinni tanladi.
Ma’lumot uchun, CNN’ning bu so‘rovnomasi 14—17-dekabr kunlari yoshi 18 dan katta 1 001 nafar amerikalik o‘rtasida o‘tkazilgan.
Eslatib o‘tamiz, 6-dekabr kuni AQSh prezidenti Donald Tramp Quddusni Isroil poytaxti sifatida tan olib, mamlakatning Isroildagi elchixonasini Tel-Avivdan Quddusga ko‘chirish haqida ko‘rsatma bergan edi.
Joriy hafta esa BMT Bosh assambleyasi Quddus masalasida favqulodda yig‘ilish o‘tkazib, AQShning qarorini qoraladi. Assambleya tomonidan qabul qilingan rezolyutsiyada Quddusning mohiyati, maqomi va demografik tarkibini o‘zgartirishga qaratilgan har qanday qaror noqonuniy deb topilishi ta’kidlangan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post CNN: Amerikaliklarning 49 foizi AQSh elchixonasining Quddusga ko‘chirilishiga qarshi appeared first on Daryo .
Batafsil | Подробно | Read more... Daryo