Bezorilik qilgan kollej o‘quvchisi sud zalida ozod etildi

Toshkent shahar Olmazor tumani sudida o‘tkazilgan ochiq sud majlisida kollej o‘quvchilari A. Sobirov va Z. Gapulovga nisbatan qo‘zg‘atilgan jinoyat ishi ko‘rib chiqildi. Bu haqda O‘zA xabar bermoqda .

Foto: Uz24

Voyaga yetmagan bu ikki nafar o‘spirin tungi soat 23:30 larda spirtli ichimlik iste’mol qilgan holda bezorilik ko‘chasiga kirib, fuqarolar K. Faxriyev va G‘. Hakimovni urib, tan jarohati yetkazgan. Bezorilik faqat shu harakatlar bilan tugamagan. A. Sobirov fuqaro A. Koldishevning chap ko‘krak qismiga pichoq tiqib, unga jarohat yetkazgan.
Aniqlanishicha, Toshkent aloqa kasb-hunar kolleji o‘quvchisi bo‘lgan A. Sobirov muntazam ravishda darslarga bormay yurgan. Kollej ma’muriyati o‘quvchini birinchi bosqichda qoldirgan va uning qoniqarsiz xatti-harakatlari haqida ota-ona, mahalla, ichki ishlar idorasini bir necha bor ogohlantirgan. Biroq vaqtida berilmagan e’tibor o‘spirinni jinoyat ko‘chasiga boshlab kirgan.
Z. Gapulov esa yoshligidan ba’zi oilaviy sabablarga ko‘ra buvisining qaramog‘ida yashagan. Ota-ona mehriga zor bu o‘spirin vaqtincha ishsiz bo‘lgan. Tarbiyadagi kemtiklik uning shu jinoyatni sodir etishiga sabab bo‘lgan, deya xulosaga kelish mumkin.
Ochiq sud majlisida kechirimlilik tamoyili asosida Z. Gapulovga nisbatan qo‘llanilgan shaxsiy kafillik ehtiyot chorasi bekor qilindi. A. Sobirovga qo‘llangan qamoq chorasi o‘zgartirilib, sud zalidan ozod etildi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Bezorilik qilgan kollej o‘quvchisi sud zalida ozod etildi appeared first on Daryo .
Batafsil | Подробно | Read more... Daryo