Fotogalereya: O‘z egalarini xushnud etgan avtomobillar

Consumer Reports narshi 500 ming avtomobil haydovchilari orasida so‘rov o‘tkazib, har yili taqdim etadigan “o‘z egasini qoniqtiruvchi avtomobillar” ro‘yxatini tuzib chiqdi. Mashinalar 6 ta parameter bo‘yicha baholandi: qulaylik, dizayn, audio va iqlim tizimi sifati hamda uni haydashdan zavq olish. “Motor” reytingdan o‘rin olgan avtomobillarning suratlari bilan bo‘lishdi .
Tesla Model S

Foto: “Motor”

Consumer Reports nashrining ta’kidlashicha, quvvati 75 kilovatt/soatga teng bo‘lgan batareyalar bilan ham avtomobil salkam 380 kilometr masofani bosib o‘tishi mumkin. Shuningdek, jurnal uning dinamik tavsifi va ikkita yukxonasi borligini ijobiy baholadi.
Porsche 911

Foto: “Motor”

Ushbu avtomobilning boshqaruv tizimi ajoyib, dvigateli, uzatmalar qutisi, shovqin chiqarmasligi alohida e’tiborga molik, shuningdek, u bilan uzoq masofaga ham sayohat qilish mumkin.
Chevrolet Corvette

Foto: “Motor”

Corvette o‘zining boshqaruvi, qulay o‘rindiqlari va dinamik tavsifi bilan ro‘yxatdan o‘rin olgan. Biroq uning “mexanika”si aniq ishlamasligi, pokrishkalarining shovqin solishi va salonga kirish noqulayligi alohida ta’kidlangan.
Lincoln Continental

Foto: “Motor”

Continental egalariga avtomobil ichidagi sokinlik, interyerida ishlatilgan materiallar va boshqaruv tizimi ma’qul bo‘lgan. Uzatmalar qutisi selektorining o‘rniga tugma va normal eshik ochgichlarning yo‘qligi esa haydovchilarga yoqmagan.
Ford F-350

Foto: “Motor”

Ushbu pikap yangilanganidan so‘ng, ancha yengillashdi va texnologik bo‘lib qoldi. Modelning ko‘plab egalari uni yana bir bor sotib olish xohishini bildirgan.
Mazda MX-5 Miata

Foto: “Motor”

Miata’ning to‘rtinchi avlodi haydovchilar uchun eng yaxshi avtomobillardan biri hisoblanadi, biroq uning egalariga o‘rindiq, salondagi shovqin, tor salon ma’qul bo‘lmagan
Toyota Prius

Foto: “Motor”

Prius yoqilg‘ini kam sarflashi va mashina narxining arzonligi sabab e’tiborga tushgan. Ammo multimediya tizimi va salonining shovqini uning foydasiga ishlamaydi, albatta.
Tesla Model X

Foto: “Motor”

Model X xaridorlariga uning keng saloni, shuningdek, boshqaruv tizimi yoqqan.
Honda Odyssey

Foto: “Motor”

Modelning 10 bosqichli “avtomat” boshqariladigan uzatmalar qutishi hamda 3,5 litrli shovqin chiqarmaydigan V6 dvigateli ko‘pchilikka ma’qul kelgan.
Dodge Challenger

Foto: “Motor”

Avtomobil egalariga uning boshqaruv tizimi va V8 dvigatelining ovozi ma’qul bo‘lgan. Biroq mashina yetarlicha qulaylikka ega emasligi, omadsiz mexanik uzatmalar qutisi uning zarariga ishlaydi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Fotogalereya: O‘z egalarini xushnud etgan avtomobillar appeared first on Daryo .
Batafsil | Подробно | Read more... Daryo