AQShda avtomobillar sotish bo‘yicha birinchi avtomat ishga tushdi (video)

Amerikaning avtomobillar sotish bilan shug‘ullanuvchi Carvana onlayn-servisi Tennessi shtatining Neshvill shahrida mashinalar sotuvchi savdo avtomatini ishga tushirdi. Bu haqda “RBK” Carvana bosh direktori Erni Garsiya ma’lumotiga tayanib xabar beradi .

Foto: Carvana

Avtomat besh qavatli to‘liq avtomatlashtirilgan garaj binosidan tashkil topgan. Xaridor mashinaga onlayn tarzda to‘lovni amalga oshirgandan so‘ng qo‘lga kiritgan maxsus katta tangani tanga soladigan qurilmaga tashlagach, robot kerakli mashinani qavatlarning biridan olib, uni xaridorga tushirib beradi.
Mijoz mablag‘larini oxirigacha yechib olish mashina olib ketilgandan yetti kun o‘tgach amalga oshiriladi. Bu vaqt ichida xaridor mashinani haydab ko‘rib, undagi barcha qulayliklar va kamchiliklarni bilib olish imkoniga ega bo‘ladi.
Garsiyaning so‘zlariga qaraganda, Carvana saytida mashina xarid qilish jarayoni xaridordan 20 daqiqa vaqt talab qiladi. Biroq o‘z ichiga xarid jarayonining barcha bosqichlarini qamrab oladi.


Batafsil | Подробно | Read more... Daryo