Texnik ko‘rikdan o‘tkazish uchun yangi tariflar 2018-yil 15-yanvargacha joriy etiladi

Vazirlar Mahkamasining 2017-yil 22-dekabrdagi 1010-son “Transport vositalarini majburiy texnik ko‘rikdan o‘tkazish tartibini takomillashtirishga doir qo‘shimcha chora-tadbirlar to‘g‘risida”gi qarori e’lon qilindi, deb xabar berdi Norma.

Foto: Norma

Eslatib o‘tamiz, Prezidentning 2017-yil 11-iyuldagi PQ-3127-son qarori bilan 2018-yil 1-yanvardan boshlab jismoniy shaxslarga tegishli yengil avtotransport vositalarini majburiy texnik ko‘rikdan o‘tkazishni yuridik shaxslar — tadbirkorlik subyektlariga bosqichma-bosqich o‘tkazish ko‘zda tutilgan. Hozirgi paytda bu funksiyani IIVning Davlat yo‘l harakati xavfsizligi xizmati (keyingi o‘rinlarda – DYHXX) bo‘linmalari bajaradi.
Hujjatga ko‘ra yuridik shaxslar – tadbirkorlik subyektlari quyidagi huquqlarga ega bo‘ladi:

2018-yil 1-yanvardan boshlab — transport vositalarini majburiy texnik ko‘rikdan o‘tkazishda jismoniy shaxslarga tegishli yengil avtotransport vositalarining texnik holatini tekshirish;
2019 yil 1 yanvardan boshlab – bevosita majburiy texnik ko‘rikdan o‘tkazish.

2018-yil 15-yanvargacha bo‘lgan muddatda (tadbirkorlik subyektlari tomonidan ko‘rsatiladigan xizmatlar bo‘yicha – bir oy muddatda) texnik ko‘rikdan o‘tkazish uchun transport vositasining toifasini hisobga olib hamda yuridik va jismoniy shaxslar uchun alohida tabaqalashtirilgan to‘lov stavkalari miqdorlari joriy etiladi.
Transport toifasi — faqat M1
Shu tariqa, kelasi yildan boshlab jismoniy shaxslarga tegishli yengil avtotransport vositalarining texnik holatini tekshirish:

DYHXXning diagnostika stansiyalari;
vazirliklar va idoralarning, boshqa tashkilotlarning, shuningdek, xususiy texnik xizmat ko‘rsatish stansiyalari (TXS);
tadbirkorlik subyektlari – yuridik shaxslar tomonidan o‘tkazilishi mumkin.

Aynan qayerga murojaat qilishni avto egalarining o‘zlari hal qiladi. Bunda xususiy tashkilotlar faqat yo‘lovchilar tashish uchun mo‘ljallangan va haydovchi o‘rnidan tashqari o‘tirish uchun 8 tadan ko‘p bo‘lmagan o‘rindiqlarga ega M1 toifadagi transport vositalariga texnik ko‘rikdan o‘tkazish bo‘yicha xizmatlar ko‘rsatishi mumkin.
Xizmatlar ko‘rsatish uchun O‘zstandart xulosasi zarur
DYHXXning diagnostika stansiyalari, TXS va xususiy tashkilotlar faqat O‘zstandart tomonidan akkreditatsiyadan o‘tkazilgan, tegishli texnologik jihozlar bilan ta’minlangan ishlab chiqarish-texnik bazasiga ega bo‘lgan taqdirda jismoniy shaxslarga tegishli transport vositalarining texnik holatini tekshirishni o‘tkazishlari mumkin. Uning muvofiqligi mezonlari qarorda ko‘rsatilgan.
Tadbirkorlik subyektlari o‘z faoliyatini boshlagunga qadar tegishli hududiy YHXBlarini barcha yaratilgan sharoitlarning muvofiqligi to‘g‘risida yozma ravishda xabardor qilishlari kerak. Xatga quyidagilarning nusxasi ilova qilinadi:

ustav;
O‘zstandartning ishlab chiqarish-texnik bazasi akkreditatsiyadan o‘tkazilganligi haqidagi xulosasi;
“Sanoatgeokontexnazorat” DIning avtotransport vositalariga o‘rnatiladigan ballonlarni texnik tekshirish bo‘yicha faoliyatni amalga oshirish huquqini beruvchi ruxsatnomasi.

Hududiy YHXB xat qabul qilingan sanadan boshlab 3 ish kuni ichida uni o‘rganib chiqadi va barcha talablarga muvofiq bo‘lgan taqdirda tadbirkorni maxsus hisobni yuritish reyestriga kiritadi. YHXBB tadbirkor xabardor qilingan paytdan boshlab 2 ish kuni ichida uni o‘z rasmiy veb-saytiga joylashtiriladigan reyestrga kiritadi.
Ro‘yxatdan o‘tkazish hududi ahamiyatga ega
Texnik holatini tekshirishning majburiy sharti – tadbirkorlik subyekti yoki uning filiali va avtoni ro‘yxatdan o‘tkazish joyi bir hududda bo‘lishi kerak. Agar xizmat ko‘rsatish hududida bunday xizmatlar ko‘rsatadigan bir nechta subyektlar bo‘lsa, kimga murojaat qilishni transport egasining o‘zi hal qiladi.
Tekshirish natijalari bo‘yicha xususiy tashkilot mashina egasiga ma’lumotnoma beradi. Uning asosida texnik ko‘rikdan o‘tkazish natijalari DYHXX organlarida rasmiylashtiriladi.
Texnik ko‘rik – endi ro‘yxatdan o‘tkazishda ham
Endi avtotransport vositalari ularni DYHXX organlarida ro‘yxatdan (qayta ro‘yxatdan) o‘tkazishda ilgari belgilangan navbatdagi texnik ko‘rikdan o‘tkazish muddatlaridan qat’i nazar texnik ko‘rikdan o‘tkazilishi lozim.
Hujjat Qonun hujjatlari ma’lumotlari milliy bazasida rasman e’lon qilingan va 2017-yil 26-dekabrdan kuchga kirdi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Texnik ko‘rikdan o‘tkazish uchun yangi tariflar 2018-yil 15-yanvargacha joriy etiladi appeared first on Daryo .
Batafsil | Подробно | Read more... Daryo