2018-yilgi Davlat dasturi aholi fikrini inobatga olgan holda qabul qilinadi

Prezident Shavkat Mirziyoyev 28-dekabr kuni “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” yilida 2017—2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha harakatlar strategiyasini amalga oshirishga oid davlat dasturi loyihasini ishlab chiqishning tashkiliy chora-tadbirlari to‘g‘risida”gi farmoyishni imzoladi, deb yozadi “Gazeta.uz”.

Foto: “Gazeta.uz”

Hujjatga muvofiq Prezidentning Davlat maslahatchisi Otabek Murodov boshchiligida dastur loyihasini tayyorlash bo‘yicha jamlovchi ishchi guruhi tashkil etildi. Unga 2017-yilda Harakatlar strategiyasini amalga oshirishni tanqidiy tahlildan o‘tkazish, yo‘l qo‘yilgan kamchiliklarni aniqlash, jamoatchilik, milliy va xalqaro ekspertlar fikrini o‘rganish natijalarini jamlash vazifasi topshirildi.
Dastur loyihasi 2018-yilning 5-yanvariga qadar tayyor bo‘lishi kerak, keyin 5—15-yanvar kunlari loyihaning keng jamoatchilik muhokamasi o‘tkaziladi. Ushbu muhokama natijalari va kelib tushgan takliflar tahlili asosida 20-yanvar kuniga qadar davlat dasturining yakuniy loyihasi tayyorlanadi.
Prezident davlat dasturi loyihasini ishlab chiqishda quyidagi ustuvor vazifalarni amalga oshirish bo‘yicha aniq chora-tadbirlarni ishlab chiqishga alohida e’tibor qaratish haqida ko‘rsatma berdi:

Davlat dasturi “Xalq davlat organlariga emas, balki davlat organlari xalqqa xizmat qilishi kerak” degan g‘oyani hayotga tatbiq etishga yo‘naltirilgan siyosatning mantiqiy davomiga aylanishi kerak;
dasturda “xalq qonunlarning yagona manbasi va muallifi hisoblanadi”, “mamlakat hayotiga taalluqli muhim qarorlar xalq bilan muloqot, jamoatchilik fikri e’tiborga olingan holda qabul qilinadi” tamoyillarini amalga oshirish bo‘yicha amaliy chora-tadbirlar aks etishi kerak;
amalga oshirilishi mo‘ljallanayotgan tadbirlar xalq bilan to‘g‘ridan-to‘g‘ri muloqot natijalariga asoslangan bo‘lishi, shuningdek aholining keng qatlamini tashvishga solayotgan dolzarb muammolarga yechim topishni, ijtimoiy va davlat hayotining barcha sohalaridagi vaziyatni tubdan yaxshilash bo‘yicha amaliy choralarni nazarda tutishi lozim;
keng ko‘lamli islohotlar va o‘zgarishlar, birinchi navbatda, odamlar farovonligini uzoq kelajakda emas, balki qisqa muddatda yaxshilashga va ularning har kunlik hayotida aks etishiga yo‘naltirilishi lozim;
davlat xizmatlarini ko‘rsatish tizimini yangi sharoitlarda tubdan takomillashtirish va keng rivojlantirish fuqarolar ehtiyojlarini qanoatlantirishni ta’minlovchi ustuvor yo‘nalish bo‘lishi kerak;
o‘sib borayotgan global raqobat sharoitlarida iqtisodiy farovonlik innovatsion rivojlanish modeliga o‘tish hisobidan ta’minlanishi, hayotga innovatsiyalar, yangi texnologiyalarni faol joriy etish, shuningdek ilg‘or, zamonaviy fikrlovchi, tashabbuskor fuqarolar va tadbirkorlarni qo‘llab-quvvatlash orqali amalga oshishi kerak;
ishlab chiqilayotgan tadbirlar aniq natijaga qaratilgan bo‘lishi, aniq maqsadlar va amalga oshirish mexanizmlariga ega bo‘lishi, shuningdek boshqa dasturlar doirasida ko‘rilayotgan chora-tadbirlar bilan o‘zaro bog‘langan bo‘lishi kerak.

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post 2018-yilgi Davlat dasturi aholi fikrini inobatga olgan holda qabul qilinadi appeared first on Daryo .
Batafsil | Подробно | Read more... Daryo