Ульяновскдаги қамоқхонада рўй берган ёнғин натижасида камида тўрт киши ҳалок бўлди

Россиянинг Ульяновск шаҳри марказидаги 1-сон тергов изоляторидаги ёнғин бартараф этилди. Бу ҳақда «Газета.ru» хабар бермоқда .

Фото: tvzvezda.ru

Турли маълумотларга кўра, ёнғин натижасида тўрт нафардан беш нафаргача одам ҳалок бўган. Ҳозирги вақтда ёнғин оқибатларини бартараф этиш бўйича ишлар олиб борилмоқда.
Қамоқхонадан ҳибсда сақланаётган 33 киши ва полициянинг икки ходими эвакуация қилинган. Ҳодиса жойига Москва шаҳридан жазони ўташ федерал хизматининг махсус комиссияси йўл олган.
Бундан ташқари, ёнғиндан фойдаланиб, ҳибсдагиларнинг бир неча нафари қамоқдан қочгани ҳақида ҳам ахборот бор, бироқ ҳозирча бу расман тасдиқлангани йўқ. Ульяновск вилояти губернатори Сергей Морозов ҳам фавқулодда ҳолат рўй берган ҳудудда эканлиги айтилмоқда.

Top News