Islom Karimovning ota-onasi, aka-opalarining tarixiy surati va oila haqida yangi ma’lumotlar e’lon qilindi

Islom Karimov fondi O‘zbekiston Birinchi Prezidentining oilasiga daxldor yangi fotosurat va ma’lumotlarni e’lon qildi. Surat fondning Facebook’dagi sahifasiga joylashtirilgan .
Karimovlarning ushbu oilaviy fotosurati 1928-yilda — Islom Karimov tavalludidan 10 yil avval olingan. Suratda Birinchi Prezidentning otasi Abdug‘ani ota (1894-yilda tug‘ilgan) va onasi Sanobar aya (1902) hamda opa-akalari — Mehriniso (1920), Amonullo (1922), Ibodullo (1926) aks etgan.

Foto: Facebook / Karimov fondi

Bu oilada sakkiz farzand o‘sib ulg‘aygan: bir qiz — Mehriniso va yetti aka-uka: Amonullo, Ibodullo, Arslon, Quddus, Ikrom, Islom, Xurshid.
Fondning yozishicha, xizmatchi bo‘lib ishlagan Abdug‘ani ota vazminfe’l, o‘ziga ham, boshqalarga ham qattiqqo‘l, talabchan edi. “Avvalo o‘zi qat’iy intizom va tartib-qoidaga rioya etgan ota farzandlaridan ham shuni talab qilar edi. Mahalla-ko‘yning ehtiromini qozongan edi”, — deyiladi Facebook’dagi xabarda.
Sanobar aya esa uy bekasi bo‘lgan. U kishi nasl-nasabli oilada tavallud topgan bo‘lib, padari buzrukvorlari mulla-sharif — o‘z davrining mo‘’tabar ulamolaridan edi. Fond xabarida qo‘shimcha qilinishicha, “bilimga chanqoqlik, kuchli xotira, zukkolik va sabr-toqat kabi fazilatlar butun umr Sanobar ayaga yo‘ldosh bo‘ldi”.
Karimovlar oilasida barcha o‘g‘il farzandlar oliy ma’lumot olgan, ulardan uch nafari maktabni oltin medalga bitirgan, uch nafari — Ibod G‘aniyevich, Quddus G‘aniyevich va Islom Abdug‘aniyevich fan nomzodi bo‘lgan. Keyinroq Islom Karimov akademik darajasini oldi.
“Barcha aka-ukalar juda kuchli xotiraga ega edilar. Bu qondan qonga o‘tib kelgan fazilat bo‘lsa ne ajab. Aka-ukalar o‘zaro musobaqalar o‘tkazishar, masalan, biror matn o‘qilib, uni yoddan aytib berish borasida bellashilar edi. Keyinroq aka-ukalardan biri oliy o‘quv yurti o‘qituvchisi, biri sudya, boshqalari xizmatchi, olim va… Prezident bo‘ldi”, — deyiladi fond xabarida.
Fond xabari quyidagi so‘zlar bilan yakuniga yetgan: “Ziyoli bu oilada o‘g‘illarning munosib ta’lim olishiga birlamchi vazifa sifatida e’tibor qaratilgan edi. Vaqtning o‘zi bu hayotiy tutum qanchalar to‘g‘ri bo‘lganini ko‘rsatdi”.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Islom Karimovning ota-onasi, aka-opalarining tarixiy surati va oila haqida yangi ma’lumotlar e’lon qilindi appeared first on Daryo .
Batafsil | Подробно | Read more... Daryo