“RIA Novosti”: So‘mning erkin konvertatsiyasi ochilgani Shavkat Mirziyoyev prezidentligining birinchi yilidagi asosiy yutuqlardan bo‘ldi

Prezidentligining birinchi yilida Shavkat Mirziyoyev davlatni yangi bosqichda rivojlantirishga qaratilgan 100 dan ortiq farmon va qarorlarni imzoladi, shuningdek, hukumatda va joylardagi hokimiyat organlarida jiddiy o‘zgarishlar qildi, deb yozadi Rossiyaning “RIA Novosti” agentligi O‘zbekiston rahbari faoliyatining dastlabki natijalariga bag‘ishlangan tahlilda. Maqola bayoni Prezidentning rasmiy saytida keltirildi .

Foto: O‘zbekiston Prezidenti matbuot xizmati

Ishbilarmonlik sohasida ham salmoqli o‘zgarishlar ro‘y bermoqda: korxonalarni rejadan tashqari tekshirish bekor qilindi, tadbirkorlar huquqlarini himoya qilish bo‘yicha ombudsman instituti joriy etildi, ishbilarmonlik muhitida aniqlangan xatolar, noto‘g‘ri hisoblashlar, tazyiq o‘tkazishlar hamda sansalorliklar uchun Prezident Shavkat Mirziyoyev hukumat a’zolaridan hisobot talab qiladi. 2005-yilda O‘zbekistonda olib borilayotgan iqtisodiy va ijtimoiy islohotlardan qoniqmagani uchun o‘z faoliyatini to‘xtatgan Yevropa tiklanish va taraqqiyot banki noyabr oyida qaytadan faoliyat yurita boshladi.
Sentabr oyida O‘zbekiston milliy valyutasi — so‘mning erkin konvertatsiyasi ochilganligi Shavkat Mirziyoyev prezidentligining birinchi yilidagi eng asosiy yutuqlardan bo‘ldi.
Shavkat Mirziyoyev BMT Bosh Asambleyasining 72-sessiyasida terrorizmga qarshi kuch ishlatish yo‘li bilan kurashish usuli o‘zini oqlamayotgani, odamlar, birinchi navbatda, yoshlarning ongu tafakkurini ma’rifat asosida shakllantirish va tarbiyalash eng muhim vazifa ekanini qayd etdi.
Prezident mamlakatda mazkur vazifalarni hal qilishga yo‘naltirilgan yangi islom markazlarini tashkil etish tashabbusi bilan chiqdi. O‘zbekiston, shuningdek, Human Rights Watch huquqni himoya qilish tashkiloti bilan muloqotni qaytadan yo‘lga qo‘ydi, ko‘p yillar mobaynida birinchi marta BMTning e’tiqod erkinligi haqidagi masalalar bo‘yicha maxsus ma’ruzachisi Ahmad Shahid respublikaga tashrif buyurdi.
O‘zbekiston rahbari, shuningdek, mintaqalarga tashrifi chog‘ida o‘z hayotini ekstremistik faoliyat bilan bog‘laganlarning yaqin qarindoshlarini ijtimoiy hayotdan chetlatish amaliyotini davom ettirmaslik zarurligini ta’kidladi. OAV ma’lumotlariga ko‘ra, “qora ro‘yxat”dagi 16 ming kishi allaqachon normal hayotga qaytgan. Prezident ekstremistik diniy oqimlarda ishtirok etgan va to‘g‘ri yo‘lga qaytishni istamaganlarni O‘zbekiston fuqaroligidan mahrum qilishga tayyorligini qat’iy ta’kidladi.
Shavkat Mirziyoyev 2017-yilni “Xalq bilan muloqot va inson manfaatlari yili” deb e’lon qildi hamda oddiy odamlar bilan to‘g‘ridan-to‘g‘ri muloqotni yo‘lga qo‘yish uchun virtual qabulxona ochdi va bu orqali milliondan ortiq murojaatlarda ko‘tarilgan muammolar ijobiy hal etildi.
Prezident mahalliy OAVdagi mamlakatning birinchi shaxsi imijiga bo‘lgan an’anaviy yondashuvlarni ham o‘zgartirmoqda. Bir necha yil oldin internet tarmoqlaridan suratini qidirib topish mushkul bo‘lgan yangi prezident Facebook hamda Telegram ijtimoiy tarmoqlarida o‘z sahifasini ochgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “RIA Novosti”: So‘mning erkin konvertatsiyasi ochilgani Shavkat Mirziyoyev prezidentligining birinchi yilidagi asosiy yutuqlardan bo‘ldi appeared first on Daryo .
Batafsil | Подробно | Read more... Daryo