Sardor Milano o‘zining yakkaxon konsertiga soxta chiptalar sotilayotganini ma’lum qildi

Alisher Navoiy nomidagi O‘zbekiston Milliy kutubxonasida o‘tkazilayotgan Infolib—2015 IV Milliy axborot-kutubxona haftaligi doirasidagi matbuot anjumanida Sardor Milano Toshkentdagi yakkaxon konsertiga tayyorgarlik jarayoni qanday ketayotgani haqida gapirib o‘tdi va firibgarlardan ehtiyot bo‘lishga chaqirdi. Bu haqda My Day xabar bermoqda .

Foto: My Day

“Dastur rang-barang bo‘lishi rejalashtirilmoqda. Yakkaxon konsert dasturimda ‘Glavnaya ssena’da yangragan barcha qo‘shiqlarimni ijro etaman. Meni ijroimga yosh cholg‘uchilar orkestri jo‘r bo‘ladi. ‘Queen’ guruhining qo‘shiqlari yangraydi.
Aytgancha, konsert 27-noyabrda bo‘lib o‘tishi haqidagi ma’lumot yolg‘on. Konsert bo‘lib o‘tadi, ammo biz hozircha kunini belgilaganimiz yo‘q. Biroq menga yetib kelgan mish-mishlarga ko‘ra, ushbu konsertga chiptalarni tarqatishayotgan ekan. Firibgarlardan ehtiyot bo‘ling”, — dedi xonanda.
Eslatib o‘tamiz, joriy yilning aprel oyida Sardor Milano “Glavnaya ssena” loyihasining superfinalida g‘olib chiqqandi .
Batafsil | Подробно | Read more... Daryo