“Abu Saxiy”ning nomi “Toshkent ipak yo‘li”ga o‘zgargani haqidagi ilk rasmiy ma’lumotni Prezident matbuot xizmati berdi

Dekabr oyi o‘rtalarida ( 17—18-dekabr kunlari ) Toshkentdagi eng yirik buyum bozorlaridan biri — “Abu Saxiy”ning nomi o‘zgarayotgani haqida xabarlar paydo bo‘ldi. Bunga bozorning turli kirish joylaridagi peshlavhalardan “Abu Saxiy” yozuvi olib tashlangani sabab bo‘ldi .

Foto: Facebook / “Potrebitel.uz”

Dastlabki xabarlarda bozor “Buyuk Ipak yo‘li” yoki “Toshkent ipak yo‘li” deb yangidan nomlanishi aytilgan, biroq bu xabarlar rasman tasdiqlanmagan edi. “Kun.uz” nashri o‘z manbasiga asoslanib , “kompaniyaning yangi nomdagi hujjatlari tegishli idoralarda ro‘yxatdan o‘tishi bilan, ommaga e’lon qilinishi” haqida xabar bergan edi.
22-dekabr kuni “Daryo” muxbiri “Abu Saxiy”da bo‘lib, bozor ma’muriyati vakillari bilan uchrashdi. Ma’muriyat vakili bozorning nomi haqiqatan o‘zgargani va endi u “Toshkent savdo markazi” deb atalishini ma’lum qilgan , bozorning nomida “ipak yo‘li” birikmasi bo‘lishi mumkinligi haqidagi xabarlarni tasdiqlamagan. Shu kuni bozorning faqat bitta kirish joyida “Toshkent savdo markazi” yozuvini ko‘rish mumkin edi — qolgan joylarga faqat “savdo markazi” jumlasi o‘rnatilgandi.

Foto: “Daryo” / Dilshod Sharipov

5-yanvar kuni bozorning nomi o‘zgargani ilk bor rasman ma’lum qilindi — O‘zbekiston Prezidenti matbuot xizmati sobiq “Abu Saxiy” mas’uliyati cheklangan jamiyati “Toshkent ipak yo‘li” majmuasiga aylantirilganini e’lon qildi .

Foto: “Daryo” / Dilshod Sharipov

Qayd etish joiz, 5-yanvar kuni ham bozor darvozalarida “Toshkent ipak yo‘li” emas, balki “Toshkent savdo markazi” yozuvlarini ko‘rish mumkin edi. Facebook’dagi “Potrebitel.uz” guruhi foydalanuvchilari taxminiga ko‘ra , bu mashhur bozor, nomi qanday o‘zgarishidan qat’i nazar, xalq orasida hali yana ko‘p yillar davomida “Abu Saxiy” deb atalaveradi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Abu Saxiy”ning nomi “Toshkent ipak yo‘li”ga o‘zgargani haqidagi ilk rasmiy ma’lumotni Prezident matbuot xizmati berdi appeared first on Daryo .
Batafsil | Подробно | Read more... Daryo