Muftiy Usmonxon Alimov Qur’on musobaqasi haqida: Xushxabarlar hali oldinda

6-yanvar kuni O‘zbekiston musulmonlari idorasida Qur’on musobaqasini o‘tkazish bo‘yicha tashkiliy qo‘mitaning yig‘ilishi bo‘lib o‘tdi. Unda shu kunga qadar musobaqani o‘tkazish bo‘yicha qilingan ishlar va galdagi muhim vazifalar kelishib olindi, deb xabar beradi idoraning matbuot xizmati.

Foto: O‘zbekiston musulmonlari idorasi

Yig‘ilishda Abdulhakim qori Matqulov so‘zga chiqib, Prezidentning 2017-yil 1-sentabr kuni “Hazrati Imom” majmuasidagi Qur’on musobaqasini o‘tkazish bo‘yicha bergan ko‘rsatmasi va shu yo‘nalishdagi diniy idora rahbariyati topshiriqlarining ijrosi bo‘yicha tashkiliy qo‘mita tomonidan bajarilgan ishlar haqida ma’lumot berdi. Jumladan, u joylarda ishtirokchilarni ro‘yxatga olish davom etayotgani, 22 nafar hakamni tayyorlash bo‘yicha mashg‘ulotlar o‘tkazilgani, ishtirokchilarni ro‘yxatga olish va tayyorgarlik jarayonlarini ko‘zdan kechirish maqsadida, hakamlar viloyatlarga xizmat safariga yuborilgani, musobaqa bannerlari va nishonlari ishlab chiqilgani hamda mazkur jarayonlar internet saytlarida keng yoritib borilayotganini bayon qildi.
O‘zbekiston musulmonlari idorasi raisi, muftiy Usmonxon Alimov yig‘ilishda so‘z olib, musobaqaning har bir jihatiga jiddiy hozirlik ko‘rish, musobaqani juda keng ko‘lamda o‘tkazish, tuman-shahar va viloyat bosqichlarini ham yuqori kayfiyatda bo‘lishini ta’minlash borasida ko‘rsatmalar berdi.
Musobaqa ishtirokchilarining chiqishlarini baholashda adolat va shaffoflikka qat’iy amal qilish, tanish-bilishchilikka mutlaqo yo‘l qo‘ymaslikni alohida qayd etdi. Hatto xorijdagi mutaxassislar ham musobaqani katta qiziqish bilan kutishayotgani va bu ishlar kelgusida xalqaro musobaqa o‘tkazish uchun zamin bo‘lishini ta’kidladi. Shuningdek, u Prezident Qur’on musobaqasini eng yuqori darajada o‘tkazish uchun barcha shart-sharoitlarni muhayyo qilib berayotganini katta mamnunlik bilan izhor qildi.
Muftiy Usmonxon Alimov so‘zining yakunida davlat rahbari tomonidan mo‘min-musulmonlarga berilayotgan imkoniyatlar va ushbu musobaqani o‘tkazish borasida ham kutilmagan xushxabarlar hali oldinda ekanini bildirib o‘tdi. Muftiy hazrat bir hafta davomida Diniy idorada baholash mezoni buyicha jiddiy tayorgarlikdan o‘tgan hakamlarning bundan keyingi ishlariga Allohdan madad so‘rab, muvaffaqiyat tiladi.
O‘zbekistonlik qorilarning eng tabarruk ustozi — Yahyo qori Turdiyev zoti shariflarining xayrli duo bilan yig‘ilish yakunlandi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Muftiy Usmonxon Alimov Qur’on musobaqasi haqida: Xushxabarlar hali oldinda appeared first on Daryo .
Batafsil | Подробно | Read more... Daryo