IShID Parijdagi teraktlardan so‘ng yangi tahdid bilan chiqish qildi

Parijda yuz bergan teraktlardan so‘ng “Iroq va Shom islom davlati” terrorchilik tashkiloti vakillari videomurojaat bilan chiqish qildi. Bu haqda, Reuters agentligiga asoslanib, “Exo Moskvi” xabar bermoqda .

Foto: AP

Terrorchilik tashkilotining yangi bayonotiga ko‘ra, agar Suriyani bombardimon qilish ishlari to‘xtatilmasa, Fransiyada tinchlik bo‘lmaydi.
Avvalroq IShID Parijdagi teraktlar uchun javobgarlikni o‘z zimmasiga olgani haqida xabar berilgan edi . Ma’lumot uchun, Fransiya AQSh boshliq xalqaro koalitsiya tarkibida sentabr oyidan IShIDning Suriyadagi marralariga zarba berishni boshlagan edi .
Eslatib o‘tamiz, Parijdagi teraktlar ketma-ketligi 13-noyabr oqshomida yuz berdi. Terrorchilar “Stad de Frans” stadioni yaqinida bomba portlatdi, bir qator restoranlar va konsert zalidagi tomoshabinlarga qarata o‘t ochdi. So‘nggi ma’lumotlarga ko‘ra, teraktlar oqibatida 128 kishi halok bo‘lgan, mamlakatda uch kunlik umummilliy motam e’lon qilingan .

Voqea: Parijdagi teraktlar
Foto: “Dahshatning o‘zginasi”: Parij terrorchilar hujumiga uchradi

Politsiya ma’lumotlariga ko‘ra, hujumlar turkumiga sakkiz nafar terrorchi qatnashgan, ularning yetti nafari terrorchi-kamikadze bo‘lgan, sakkizinchi jangari otishma vaqtida yo‘q qilingan. Guvohlarning so‘zlariga ko‘ra, terrorchilar Fransiyaning Suriyadagi harakatlari uchun qasos olinayotganini baqirib aytgan.
Batafsil | Подробно | Read more... Daryo