Oldiga chempionlik vazifasi qo‘yilgan O‘zbekiston termasi Osiyo Chempionatini mag‘lubiyat bilan boshladi

Ravshan Haydarov murabbiylik qilayotgan va 23 yoshgacha bo‘lgan futbolchilardan tashkil topgan O‘zbekiston terma jamoasi Osiyo Chempionatini mag‘lubiyat bilan boshladi.

Foto: OFK

Qatar U23 termasiga qarshi saf tortgan o‘zbekistonlik futbolchilar birinchi bo‘limni yaxshi boshlagan bo‘lsa-da, ikkinchi bo‘limning 10-daqiqasida o‘z darvozasidan gol o‘tkazib yubordi. Qolgan daqiqalarda ular muvozanatni tiklashning yo‘lini topa olmadi.

Foto: OFK

Bungacha Xitoy terma jamoasi guruhdagi birinchi o‘yinda Ummon darvozasiga javobsiz 3 ta gol urishning uddasidan chiqa olgandi. 12-yanvar kuni O‘zbekiston aynan Xitoyga qarshi o‘yinda maydonga tushadi.
Qit’a chempionati boshlandi. O‘zbekiston bilan o‘yin oldidan Xitoy termasi Ummon darvozasiga 3 ta gol urdi
Feliks Sanches murabbiylik qilgan Qatar U19 terma jamoasi 2014-yil Osiyo Chempionatida zafar quchgan, Ravshan Haydarov jamoasi esa yarim finalda KXDRdan 0:5 hisobida yengilgandi. Oradan 4 yil vaqt o‘tib ham ispaniyalik murabbiy boshqarayotgan jamoa O‘zbekistondan ustunroq bo‘la oldi. Qayd etish kerak, Sanches bir vaqtning o‘zida Qatar milliy terma jamoasi bosh murabbiyi ham hisoblanadi.
Xitoy mazkur musobaqaga mezbonlik qilyapti. O‘zbekistonlik futbolchilar kelasi turda ham mag‘lub bo‘lsa, turnir bilan muddatidan avval xayrlashishi mumkin. Ravshan Haydarov oldiga esa O‘FF chempionlik vazifasini qo‘ygan.
O‘FF Ravshan Haydarov oldiga chempionlik vazifasini qo‘ydi. Osiyo Chempionati 10 kundan so‘ng start oladi
Haydarov ikki yil avval mazkur musobaqaga Samvel Babayanning yordamchisi sifatida tashrif buyurgan bo‘lib, o‘shanda o‘zbekistonlik futbolchilar ketma-ket ikki mag‘lubiyatdan keyin o‘z yurishiga yakun yasagan va Rio—2016 yo‘llanmasini sarobga aylantirgandi.
Osiyo Chempionati U23
“A” guruhi. 1-tur
9-yanvar, seshanba
O‘zbekiston — Qatar 0:1
Gol: Almuaz Ali, 55 (0:1).
O‘zbekiston U23: Dilshod Hamroyev —Islom Qobilov, Rustam Ashurmatov, Hojiakbar Alijonov, Akrom Komilov (Doniyor Narzullayev, 52), Aziz G‘aniyev (Andrey Sidorov, 84), Odil Hamrobekov, Jasur Yaxshiboyev, Doston Hamdamov (Bobur Abduxoliqov, 75), Javohir Siddiqov, Zabihillo O‘rinboyev.
Qatar U23: Muhammad Al-Bakariy —Tariq Salmon, Tamim Al-Muhaza, Abdulloh Al-Ahrok (Xolid Muhammad, 72), Ahmad Moiyin, Akrom Afif, Sulton Al-Brake, Bassam Ar-Roviy, Hisham Ali (Meshal Ash-Shammariy, 85), Almuaz Ali, Salim Al-Xajriy.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Oldiga chempionlik vazifasi qo‘yilgan O‘zbekiston termasi Osiyo Chempionatini mag‘lubiyat bilan boshladi appeared first on Daryo .
Batafsil | Подробно | Read more... Daryo