Farg‘onada moddiy yordam so‘rayotgan oilalar soni nega ko‘paydi?

Farg‘onada o‘tkazilgan Fuqarolarning o‘zini o‘zi boshqarish organlari faoliyatini muvofiqlashtirish bo‘yicha viloyat kengashi yig‘ilishida 2017 yil yakunlari tahliliy-tanqidiy muhokama qilindi. Bu haqda “Xalq so‘zi” xabar bermoqda .

Foto: O‘zА

Viloyatda o‘tgan yili fuqarolar yig‘inlarining moddiy-texnika bazasini yanada mustahkamlash bo‘yicha 80 ga yaqin fuqarolar yig‘ini mebel jihozlari va kompyuter jamlanmasi bilan ta’minlandi. 24 fuqarolar yig‘ini binosi ta’mirlandi, 17 tasi ta’mirlanib, 4 tasi yangidan qurildi.
Oilalarda ijtimoiy-ma’naviy muhitni o‘rganish va ular muammolarni hal etish maqsadida 700 mingdan ortiq xonadonda muloqotlar o‘tkazildi. Natijada 4,5 ming oilada turli nizolar, 6 mingdan ziyod ajralishlar va 100 dan ziyod erta nikoh holatining oldi olindi. Kam ta’minlangan, ijtimoiy himoyaga muhtoj 1300 dan ortiq fuqaroga moddiy yordam ko‘rsatildi.
Huquqbuzarliklar profilaktikasi va jinoyatchilikka qarshi kurashish samaradorligini oshirishga e’tibor kuchaytirildi. Natijada 110 ta mahallada bironta ham jinoyat sodir bo‘lmadi.
Biroq viloyatdagi tuman va shahar kengashlarining barchasi fuqarolar o‘zini o‘zi boshqarish organlari faoliyatini takomillashtirishda o‘zlariga berilgan vakolatdan yetarlicha foydalanyapti, deyish qiyin. Tahlillarga ko‘ra, hududiy kengashlar nizomida belgilangan vazifalar ijrosini ta’minlash ishlari talab darajasida emas.
2017-yilning 11 oyi davomida Virtual qabulxona, Xalq qabulxonalariga hudud aholisi tomonidan yo‘llangan murojaatlar soni 2016-yilga nisbatan 2 mingdan ko‘pga oshgan. Xususan, moddiy yordam so‘ralgan murojaatlar soni 2,5 barobar, 2 yoshgacha bo‘lgan bolalarga tayinlanadigan nafaqa bilan bog‘liq shikoyat va arizalar 1,5 barobarga ko‘paygan.
Farg‘ona, Marg‘ilon,Qo‘qon, Quvasoy shaharlari, Furqat tumanidagi mahallalarda sodir etilgan huquqbuzarlik va jinoyatlarni jamoatchilik o‘rtasida muhokama qilishga e’tibor berilmagani tanqid qilindi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Farg‘onada moddiy yordam so‘rayotgan oilalar soni nega ko‘paydi? appeared first on Daryo .
Batafsil | Подробно | Read more... Daryo