Shayx Abdulaziz Mansur: Hojilar Hajning sharafini himoya qilmog‘i kerak

O‘zbekiston musulmonlari idorasi 2017 yil dekabr oyi boshida Haj haqidagi fatvoni e’lon qildi. Fatvoning mazmun-mohiyati yuzasidan O‘zbekiston Milliy axborot agentligi (O‘zA) diniy idora raisi o‘rinbosari, shayx Abdulaziz Mansur bilan suhbat uyushtirdi.

Shayx Abdulaziz Mansur. Kadr: YouTube / “Quran.uz”

Suhbat davomida shayx Abdulaziz Mansur hojilar o‘z yurish-turishi bilan boshqalarga ibrat bo‘lishi lozimligi haqida fikr bildirdi.

Mavzuga doir: Shayx Abdulaziz Mansur: Musulmonlar bir-biriga ko‘makdosh bo‘lishi darkor. Shunda jamiyatimizda o‘ta boylar ham, o‘ta kambag‘allar ham bo‘lmaydi

Haj — moddiy va ma’naviy ibodat. Hajga boruvchilarni ro‘yxatga olish masalasida axloqi go‘zal, ma’nan yetuk insonlarga e’tibor qaratish zarurligi muhim hodisa. Chunki insonlar hojilarga boshqacha ko‘z bilan qaraydi: ulardan o‘zlariga ibrat bo‘ladigan fazilatlarni qidiradi. Agar o‘sha hislatlarni ko‘rmasa, ulardan ranjiydi va “hojilik ham oson bo‘lib qolibdi”, “puli bor odam borib kelaverar ekan-da”, deya hafsalasi pir bo‘ladi. Ana shu sabab bo‘lib boshqa hojilarning ham el orasidagi obro‘si tushib ketadi.
Fatvoda avvalgi to‘rt arkonini o‘z vaqtida bajarib kelayotgan, taqvosi, go‘zal axloqi bilan elga o‘rnak bo‘lib hayot kechirayotgan insonlarning ro‘yxatga kiritilishi aytilgani — shariatimiz talabidir. Zero, Haj o‘zidan oldingi to‘rtta ibodatning mantiqiy davomi hisoblanadi.
Hajga borib kelgan kishi Hajning sharafini himoya qilmog‘i kerak. O‘sha muqaddas joylarga qadami yetish nasib qilgan yurtdoshlarimiz, o‘ylaymanki, “O‘tkan kunlar” romanidagi Yusufbek hojini ko‘z oldiga keltirsa, u odamning el-yurt ozodligi, Vatan mustaqilligi yo‘lida qanchalik fidokorlik qilganidan ibrat olsalar ham xato qilmaydi.
Shayx Abdulaziz Mansur, O‘zbekiston musulmonlari idora raisi o‘rinbosari
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shayx Abdulaziz Mansur: Hojilar Hajning sharafini himoya qilmog‘i kerak appeared first on Daryo .
Batafsil | Подробно | Read more... Daryo