Мичиган университети олимлари ўзини қайта тиклайдиган материал ишлаб чиқди

Мичиган университетидаги олимлар гуруҳи жароҳат олганидан сўнг реактив суюқлик таъсирида ўзини қайта тиклай оладиган материални ишлаб чиқди. Бу ҳақда «РИА Новости» хабар бермоқда .

Фото: РИА Новости

Хабар беришларича, қайта тикланиш жараёни икки полимер саҳифа оралиғида жойлашган трибутилборан (tributylborane) номли кимёвий модда ёрдамида амалга ошади. Мазкур модда кислород билан реакцияга киришиши ва қотириши мумкин, бу эса жароҳат ўрнининг бир неча сонияда қотишига сабаб бўлади.
Мутахассислар ҳатто видеодалил ҳам келтирган бўлиб, унда янги тайёрланган материал, унга ўқ текканидан сўнг, камида бир дақиқа ичида ўзини қайта тиклаб олаётганини кўриш мумкин.
New Scientist журналининг қайд этишича, мазкур кашфиёт «Терминатор-2» фильмини ёдга солади — ундаги қаҳрамонлардан бири суюқ металлдан тайёрланган бўлади ва ўзини қайта тиклай олади.
Batafsil | Подробно | Read more... Daryo