Jak Lamber: Fransiyada o‘tadigan futbol bo‘yicha Yevropa chempionatining bekor qilinishi terrorchilar uchun ayni muddao bo‘ladi

Fransiyada 2016-yili o‘tadigan Yevropa chempionatining bekor qilinishi terrorchilar uchun ayni muddao bo‘ladi. Bu haqda chempionat tashkiliy qo‘mitasi rahbari Jak Lamber ma’lum qildi, deya xabar beradi “ RIA Novosti”.

Foto: AFP

“Yanvardayoq xavf yaqqol sezilgandi (Charlie Hebdo tahririyatidagi teraktlardan so‘ng), hozir esa u yanada oshdi, — deya ta’kidlagan Lamber. — Biz Yevropa chempionati yuksak xavfsizlik vaziyatida o‘tkazilishi uchun barcha imkoniyatlarni ishga solamiz. Stadionlarda bu jihatdan holat yaxshi, biroq ko‘chalar, odamlar to‘planadigan joylarda xatar ko‘proq. Agar biz Yevropa chempionatini bekor qilish haqida o‘ylay boshlasak, bu birinchi galda terrorchilarga qo‘l keladi”.
Eslatib o‘tamiz, futbol bo‘yicha Yevropa chempionati Fransiyada 2016-yilning 10- iyunidan 10-iyuligacha o‘tkaziladi.
Batafsil | Подробно | Read more... Daryo