Fransiya mudofaa vaziri: Fransiya o‘z hududida armiyadan foydalanish shartlarini qayta ko‘rib chiqadi

Fransiya rahbariyati  mamlakat hududida  qurolli kuchlardan foydalanish shartlarini belgilab beruvchi doktrinani qayta ko‘rib chiqishni boshladi. Bu haqda Fransiya mudofaa vaziri Jan-Iv Le Drian Journal Du Dimanche nashriga bergan intervyusida ma’lum qildi, deya xabar beradi “TASS”.

Foto: EPA

“Fransiya prezidenti mamlakatda xavfsizlikni ta’minlash uchun “Santinel” (“Posbon”) deb nom olgan yirik armiya amaliyotini o‘tkazishni boshlash to‘g‘risida ko‘rsatma berganidan so‘ng hududimizda qurolli kuchlardan foydalanishni belgilab beruvchi yangi doktrinani shakllantirish zarur deb topildi. Bu xavf-xatar ko‘lami kengaygani bilan bog‘liq. Shu bois davlat strategiyasini yangi vaziyatga moslashtirish lozim. Bu muhim vazifa va Fransiya uni uddalay oladi”, — deya ta’kidlagan vazir.
Le Drianning fikriga ko‘ra, “terrorchilar tomonidan Fransiyaga zarba berildi va buni urush e’lon qilinishi sifatida qabul qilish lozim”. U fransuz samolyotlari shu haftada IShID mashg‘ulot maydonlari va neft manzillarini bombardimon qilganini eslatib o‘tdi hamda “mazkur guruh kuch-qudratining asosi bo‘lgan bo‘lgan barcha kuchlar va nuqtalarga zarba berish zarur”ligini bildirdi.

Top News