Xayr 29 o‘yinli mag‘lubiyatsiz seriya: Lionel Messi penalti urolmagan o‘yinda “Barselona” taslim bo‘ldi

Futbol bo‘yicha Ispaniya Kubogining yarim finaliga yo‘llanma olishni istayotgan jamoalardan 6 tasi maydonga tushdi. Bugun Madridning “Real” klubi “Leganes”ga qarshi saf tortadi.

Foto: Bleacher Report

Chorak finalning dastlabki o‘yinlarida ikki kutilmagan natija qayd etilib, birida “Barselona” hamshahriga imkoniyatni boy berdi. “Espanyol”ga qarshi o‘yinda Lionel Messi penaltidan aniq foydalana olmadi. Bu hol qimmatga tushib, “Barselona” so‘nggi daqiqalarda gol o‘tkazib yubordi.
Ernesto Valverde shogirdlari bunga qadar 29 ta o‘yindan buyon mag‘lubiyat nima ekanini bilmay kelayotgandi. Kataloniya derbisida esa imkoniyat boy berildi va bu seriyaga yakun yasaldi.



Madridning “Atletiko” klubi ham navbatdagi bosqichga yo‘l olish masalasini og‘ir ahvolda qoldirdi. Montella boshchilik qilayotgan “Sevilya”ni qabul qilgan poytaxtliklar, 1:2 hisobida mag‘lub bo‘ldi. Diyego Kosta hisobni ochganiga qaramay, Simeone shogirdlari bu ustunlikni saqlab qola olmadi.
Chorak finalning uchinchi o‘yinida “Valensiya” Ispaniya Kubogining amaldagi finalchisi bo‘lgan “Alaves”ni taslim qilishga erishdi.
Ispaniya Kubogi
Chorak final
17-yanvar, chorshanba
“Atletiko” — “Sevilya” 1:2
Gollar: Diyego Kosta, 73 (1:0). Xesus Navas, 80 (1:1). Xoakin Korrea, 88 (1:2).
“Valensiya” — “Alaves” 2:1
Gollar: Rubin Sobreno, 66 (0:1). Gonsalu Guedesh, 73 (1:1). Rodrigo, 82 (2:1).
Chetlatish: Adrian Diges, 77 (A).
“Espanyol” — “Barselona” 1:0
Gol: Oskar Melendo, 88 (1:0).
Noaniq penalti: Lionel Messi, 62 (B).
18-yanvar, payshanba
“Leganes” — “Real Madrid” 01:30

Javob o‘yinlari 23—25-yanvar kunlari bo‘lib o‘tadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Xayr 29 o‘yinli mag‘lubiyatsiz seriya: Lionel Messi penalti urolmagan o‘yinda “Barselona” taslim bo‘ldi appeared first on Daryo .
Batafsil | Подробно | Read more... Daryo