Suzuki компанияси Volkswagen’дан ўзининг барча акцияларини сотиб олади

Япониянинг Suzuki автомобилсозлик компанияси раҳбарияти Германиянинг Volkswagen концернидан ўзининг барча акцияларини сотиб олишни режалаштирмоқда. Бу ҳақда «Inform.kz» хабар бермоқда .

Фото: spbcar.ru

Компания раиси Осаму Судзукининг сўзларига кўра, акциялар Халқаро савдо палатаси арбитраж суди қарорига мувофиқ сотиб олинади. Икки компания ўртасида 2009 йилда ўрнатилган ҳамкорлик алоқалари эса узилади.
2011 йили, Volkswagen икки компания ўртасидаги ишбилармонлик алоқаларини узишдан бош тортганидан сўнг, Suzuki арбитраж судига мурожаат қилишга мажбур бўлганди.
Эслатиб ўтамиз, Volkswagen компанияси японларнинг ривожланаётган мамлакатлар бозори учун арзон автомобиллар ишлаб чиқариш сирини ўрганиш мақсадида 2009 йили Suzuki’нинг 19,9 фоиз акциясини сотиб олганди.
Ўз навбатида, Япония компанияси ўз ходимлари таркиби германиялик юқори малакали мутахассислар билан тўлиши ҳамда Volkswagen’нинг баъзи технологияларидан фойдалана олиш ҳуқуқига эга бўлишга умид қилганди.
Batafsil | Подробно | Read more... Daryo