Tanqidlardan so‘ng Oqdaryodagi maktab-internatda mavjud kamchiliklar bartaraf etildi

O‘zAda Samarqand viloyati Oqdaryo tumanidagi 63-maxsus yordamchi maktab-internatiga hukumat tomonidan yetarlicha e’tibor qaratilgan bo‘lsa-da, undagi sharoitlar achinarli ahvolga kelib qolgani haqida maqola chop etilganidan so‘ng, ta’lim muassasasidagi kamchiliklar bartaraf etildi. Bu haqda maktab direktori M.Saidmurodov ma’lum qilgan .

Foto: O‘zA

 
Maqola maktab jamoasi o‘rtasida muhokama etilib, unda ko‘rsatib o‘tilgan kamchiliklarni qisqa fursatda bartaraf etish choralari ko‘rildi.
Xususan, o‘qituvchi va o‘quvchilarning dars mashg‘ulotida bemalol qatnashishlari uchun barcha sharoit yaratilib, xonalar issiqlik tizimi bilan to‘liq ta’minlandi.
Bolalar uchun tashkil etilgan o‘yin maydonchalari va sport maydonlari tartibga keltirilib, kamchiliklar bartaraf etildi.
Yotoqxona binosi oldidagi bolalar maydonchasiga o‘rnatilgan o‘tirgich va o‘yin qurilmalari qayta ta’mirlandi. Muassasa zamonaviy yuvish, quritish va dazmollash uskunalari bilan jihozlangan bo‘lib, bugungi kunda ushbu uskunalardan samarali foydalanish yo‘lga qo‘yildi.
Hovlidagi hojatxona ta’mirlandi. Bolalarning yuz-qo‘l yuvishi uchun qo‘shimcha qo‘l yuvish jihozlari o‘rnatildi.
Yotoqxonada har tomonlama qulay hojatxona va yuvinish xonalari mavjud bo‘lib, ulardan doimiy ravishda foydalanish yo‘lga qo‘yildi. Yotoqxonada kiyim-kechak va shaxsiy gigiyena ashyolarini saqlash uchun shkaf, har bir bola uchun alohida shkafchalar o‘rnatilgan bo‘lib, bugungi kunda ulardan to‘liq foydalanish yo‘lga qo‘yildi. Ishchi xonalarning kalitlarini saqlash uchun maxsus qutilar tashkil etildi. Bolalarning yuvinishi uchun barcha sharoitlar yaratildi.
Oshxonaga kirishda o‘quvchilarning kiyimlarini ilib qo‘yish uchun ilgichlar o‘rnatildi. Qo‘l yuvish vositalaridan foydalanish yo‘lga qo‘yildi.
M.Saidmurodov, Oqdaryo tumanidagi 63-maxsus yordamchi maktab-internati direktori

Mavzuga doir :  O‘z imkoniyatlaridan oqilona foydalanmayotgan Oqdaryodagi maktab-internat

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Tanqidlardan so‘ng Oqdaryodagi maktab-internatda mavjud kamchiliklar bartaraf etildi appeared first on Daryo .
Batafsil | Подробно | Read more... Daryo