London A321 bortidagi portlashda IShIDni aybdor deb hisoblaydi

Buyuk Britaniya hukumati Rossiyaning “Kogalimavia” aviakompaniyasiga qarashli A321 samolyotining Sinaydagi halokatiga bortga olib o‘tilgan bomba sabab bo‘lgan va bu terakt ortida IShID terrorchilik tashkiloti turgan bo‘lishi mumkin deb hisoblamoqda. Bu haqda “Interfaks” xabar beradi .

Foto: “Interfaks”

“Ikki hafta avval Metrojet aviahalokatidan so‘ng hukumat o‘zining aviatsiya xavfsizligi sohasiga munosabatini o‘zgartirishni rejalashtirmoqda. Biz halokat bomba portlashi oqibatida yuz bergan va buning ortida IShID turgan bo‘lishi mumkin deb hisoblaymiz”, — deyiladi hukumat press-relizida.
Shu munosabat bilan Britaniya hukumati xavfsizlikning turli sohalaridagi nazoratni kuchaytirishga qaror qildi. Buning uchun qo‘shimcha mablag‘lar ajratiladi.
Bundan tashqari, bosh vazir Devid Kemeron ikki oy davomida dunyodagi barcha aeroportlarning xavfsizligi bilan bog‘liq vaziyatni tekshirish haqida topshiriq berdi.
Batafsil | Подробно | Read more... Daryo