Isroilda Afrikadan tashqarida topilgan eng qadimiy Homo sapiens qoldiqlari aniqlandi

Isroil hududida Afrikadan tashqarida topilgan zamonaviy odam (Homo sapiens)ning eng qadimiy qoldiqlari aniqlandi, deb yozadi “TASS” Tel-Aviv universitetiga tayanib.

Foto: “TASS”

Xalqaro antropologlar guruhi Isroil shimolidagi Karmel tog‘larida Misliya g‘orida olib borilgan qazish ishlari chog‘ida qadimiy odam tishlari bo‘lgan jag‘ bo‘laklarini topdi. Tishlar 177—194 ming yil avvalgi davrga tegishli deb topildi. “Topilma zamonaviy odamlar Sharqiy O‘rta dengizbo‘yi o‘lkasida avval taxmin qilinganidan ko‘ra 50 ming yil oldinroq yashaganini ko‘rsatadi”, — deyiladi universitet bayonotida.
Zamonaviy odamlar taxminan 160—200 ming yil oldin Afrikada paydo bo‘lgan, deb hisoblanadi. U yerda ular rivojlangan va qit’adan qariyb 100 ming yil ilgari ko‘chib o‘tishni boshlagan.
Shu paytgacha Afrika qit’asidan tashqarida topilgan ilk Homo sapiens qoldiqlari ham Isroilda aniqlangan va 90—120 ming yil avvalgi davrga tegishli deb topilgan edi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Isroilda Afrikadan tashqarida topilgan eng qadimiy Homo sapiens qoldiqlari aniqlandi appeared first on Daryo .
Batafsil | Подробно | Read more... Daryo