O‘zbekiston to‘qimachilik mahsulotlarini Amazon tarmog‘ida sotish yo‘lga qo‘yiladi

O‘zbekiston delegatsiyasi AQShning Nyu-York shahrida bo‘lib o‘tgan TexWorld USA nufuzli xalqaro to‘qimachilik ko‘rgazmasida ishtirok etdi. Bu haqda “Xalq so‘zi” gazetasi xabar bermoqda .

Foto: “Xalq so‘zi”

Ko‘rgazma yakunida O‘zbekistondan to‘qimachilik mahsulotlarini yetkazib berish bo‘yicha infratuzilma, jumladan, logistika va sug‘urta tizimini rivojlantirish bo‘yicha hamkorlik aloqalari yo‘lga qo‘yildi. O‘z navbatida o‘zbek tovarlarini onlayn savdo tizimlari, jumladan, Amazon tarmog‘ida sotish, ularni pochta orqali AQShga yuborish yo‘llari ishlab chiqildi.
Qayd etilishicha, ayni paytda Amerikada “Farg‘ona” brendi ro‘yxatdan o‘tkazilib, yana bir savdo belgisi hisoblangan “O‘zbekiston” ilgari surilyapti.
“Bundan tashqari, Nyu-Yorkdagi ‘O‘ztreyd’ savdo uyi imkoniyatlaridan foydalangan holda O‘zbekistonda ishlab chiqarilgan tekstil mahsulotlarini katta miqdorda okean orti bozorlariga yetkazib berish bo‘yicha kelishuvlarga erishildi. ‘O‘zbekyengilsanoat’ davlat uyushmasi bilan to‘qimachilik sohasi uchun asbob-uskunalar ishlab chiqaruvchi yirik kompaniyalar o‘rtasida o‘zaro anglashuv memorandumlari imzolandi”, — deyiladi xabarda.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(//daryo.uz/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston to‘qimachilik mahsulotlarini Amazon tarmog‘ida sotish yo‘lga qo‘yiladi appeared first on Daryo .
Batafsil | Подробно | Read more... Daryo