Parijdagi teraktlar tufayli Venetsiya karnavali mehmonlari niqoblarni yechishga majbur etiladi

Italiyaning Veneto viloyati gubernatori Luka Dzayya Parijdagi teraktlardan so‘ng Venetsiyaga kirishda nazoratni kuchaytirish va mashhur Venetsiya karnavaliga tashrif buyuradigan barcha mehmonlarning shaxsini aniqlash taklifi bilan chiqdi. Bu haqda “RIA Novosti” xabar bermoqda .

Foto: EPA

 
Venetsiyadagi karnaval 23-yanvardan boshlanadi. Har yili bu bayramga butun dunyodan millionlab sayyohlar kelib, an’anaga ko‘ra, yarim yoki to‘liq yuzni berkituvchi niqoblar taqqan holda ko‘p kunlik shouda ishtirok etadi.
“IShIDning Italiyaga ham zarba berilishi mumkinligi to‘g‘risidagi tahdidlaridan so‘ng biz o‘zimizni xavfdan holi his etolmaymiz”, — deya ta’kidlagan Dzayya.
Veneto gubernatori shu munosabat bilan Venetsiya prefekti Domeniko Kuttayyaga jamoat tartibi bo‘yicha kengash chaqirish va unda xavfsizlik choralarini ko‘rish masalasini muhokama etish yuzasidan ko‘rsatma bergan.
Batafsil | Подробно | Read more... Daryo